Ajit Pawar – उपमुख्यमंत्री अजितदादा पवार यांचे अपघाती निधन झाल्याने बारामती तालुक्यातील काटेवाडी या त्यांच्या गावी शोककळा पसरली असून एवढा मोठा आघात नागरिकांच्या मनावर झाल्याने संपूर्ण गाव हळहळ व्यक्त करत असून रस्त्यावरती एकही व्यक्ती दिसत नसून संपूर्ण रस्ते सुनसान स्थितीत झाले आहेत.उपमुख्यमंत्री अजित पवार यांचे अपघाती निधन झाल्याने संपूर्ण राज्यावरती शोककळा पसरली असून बारामती तालुक्यामध्ये पूर्णपणे नागरिक या अकस्मित निधनाने हळहळ व्यक्त करीत आहेत.

आज एवढा मोठा धक्का सहन करणे नागरिकांना शक्य होत नाही अनेकांनी आपले दुःख अश्रूंच्याद्वारे व्यक्त केले. खर्‍या अर्थाने महाराष्ट्र राज्याचा विकास कशा पद्धतीने करावा, कशा पद्धतीने राजकारणामध्ये वावरावे, राजकारणामध्ये कशा पद्धतीने प्रशासनावरती पकड असावी, निर्भीड व्यक्तिमत्व, धाडसी वृत्ती व खर्याला खरं म्हणणारा नेता म्हणजे अजितदादा पवार म्हणून त्यांची संपूर्ण राज्यांमध्ये ओळख होती.

या अशा प्रतिभावंत नेत्याचे व खर्‍या अर्थाने विकासाचा महापुरुष मानल्या जाणार्‍या नेत्याचे अपघाती निधन झाल्याने संपूर्ण राज्यावरती तसेच बारामती तालुक्यातील प्रत्येक नागरिक शोकाकुल झाला आहे.संपूर्ण राज्याचे नाक हे बारामती घेतले जात आहे व त्याच बारामतीचा खरा युगपुरुष आज आपल्यामध्ये राहिला नाही याचे दुःख जनता कधीही विसरू शकत नाही व जनतेला हे दुःख सहनही होत नाही; परंतु परमेश्वराच्या मनात आल्यानंतर व नियतीपुढे पुढे कोणाचे काही चालत नाही हेच सत्य आहे.

जे घडणार आहे ते घडणारच एवढेच शब्द नागरिकांमधून निघत आहेत. मात्र राज्यातील तडफदार व कर्तबगार नेतृत्व हरपल्याने जनता खूप दुःखी झाली असून उपमुख्यमंत्री अजितदादा पवार यांची उणीव कधीही भरून निघण्यासारखी नाही.

श्री छत्रपती कारखाना बाजारपेठ बंद
इंदापूर तालुक्यातील श्री छत्रपती सहकारी साखर कारखान्यावरील बाजारपेठ बंद ठेवण्यात आली असून कारखाना कार्यालय बंद ठेवण्यात आले आहे. सर्व रस्त्यांवरती शुकशुकाट झाला आहे राज्यातील खरा कर्तुत्वान नेता व सर्वसामान्य नागरिकांचा आधारवड गेला हे दुःख आभाळाएवढे सर्व जनतेला झाले आहे या दुखातून जनता कधीही सावरू शकत नाही.