Ajit Pawar : महाराष्ट्राचे उपमुख्यमंत्री आणि राष्ट्रवादी काँग्रेस पार्टीचे नेते अजित पवार यांच्या विमान अपघातात निधन झाल्याने संपूर्ण राज्य आणि देश शोकाकुल झाला आहे.

मुंबईहून बारामतीकडे जात असताना आज सकाळी सुमारे ८.४५ वाजता Learjet 45 हे चार्टर्ड विमान बारामती विमानतळाजवळ लँडिंगच्या प्रयत्नात कोसळलं. या अपघातात अजित पवार यांच्यासह विमानातील इतर चार जणांचाही जागीच मृत्यू झाला.

ब्लॅक बॉक्स सापडला, अपघाताचे कारण येणार समोर

अपघातग्रस्त विमानाचा फ्लाइट डेटा रेकॉर्डर (FDR) आणि कॉकपिट व्हॉइस रेकॉर्डर (CVR) असलेला ब्लॅक बॉक्स सापडला असून, फॉरेन्सिक आणि तपास टीम त्याचे विश्लेषण करत आहे. यामुळे अपघाताचे नेमके कारण लवकरच स्पष्ट होईल.

ब्लॅक बॉक्स म्हणजे काय?

ब्लॅक बॉक्समध्ये दोन मुख्य भाग असतात :

फ्लाइट डेटा रेकॉर्डर (FDR) : विमानाची गती, उंची, इंजिन स्थिती, पायलट इनपुट्स, ऑटो-पायलट इत्यादी तांत्रिक डेटा रेकॉर्ड करतो. अपघाताच्या अंतिम क्षणांचा अचूक रेकॉर्ड यात असतो.
कॉकपिट व्हॉइस रेकॉर्डर (CVR) : पायलट-कॉ-पायलट संभाषण, ATC सोबतचा संवाद, अलार्म्स आणि इतर आवाज रेकॉर्ड करतो. यातून मानवी चूक किंवा तणावाची माहिती मिळते.

अपघाताचा घटनाक्रम

• मुंबईहून उड्डाणानंतर बारामतीजवळ पोहोचल्यानंतर दाट धुके आणि कमी दृश्यमानता होती.
• बारामती विमानतळ लहान असून ILS सुविधा नाही, म्हणून मॅन्युअल लँडिंग करावी लागली.
• पहिला लँडिंग प्रयत्न रद्द केला; विमानाने वळसा घेतला.
• दुसऱ्या प्रयत्नात MAYDAY कॉल जारी केला गेला.
• ‘टेबल-टॉप’ रनवेवर अचूकता आवश्यक असताना १०० फूट उंचीवर विमानाचा तोल गेला.
• रनवेच्या बाजूला जमिनीवर आदळले, मोठा स्फोट आणि भीषण आग लागली.
• आगीमुळे बचावकार्य तात्काळ शक्य झाले नाही, सर्व ५ जणांचा मृत्यू.
  

  Ajit Pawar plane crash

घटनास्थळाचा तपास सुरु

Aircraft Accident Investigation Bureau (AAIB) आणि DGCA ची टीम घटनास्थळी पोहोचली असून सखोल चौकशी सुरू आहे. प्राथमिक माहितीनुसार दाट धुके आणि लँडिंगमधील अडचण मुख्य कारण दिसते, पण ब्लॅक बॉक्स विश्लेषणानंतर अंतिम निष्कर्ष येईल.