Ajit Pawar plane accident :  उपमुख्यमंत्री अजित पवार यांचे विमान अपघातात निधन झाल्यानंतर अनेक प्रश्न उपस्थित करण्यात आले. या प्रकरणाचा पाठपुरावा करण्यासाठी त्यांचे पुतणे आणि आमदार रोहित पवारांनी देखील प्रयत्न केले. परंतु याप्रकरणात मुंबई हायकोर्टाकडून निर्देश जारी करण्यात आला आहे.

अजित पवार यांच्या विमान अपघाताप्रकरणी गुन्हा दाखल करण्यात यावा अशी मागणी करत हायकोर्टात दाखल करण्यात आलेल्या दोन याचिका याचिकाकर्त्यांनी मागे घेतल्या आहेत.

अपघाताबाबत जोपर्यंत एएआयबीचा अंतिम चौकशी अहवाल येत नाही तोपर्यंत यासंदर्भात कोणतेही निर्देश देता येणार नाहीत, असे हायकोर्टाने स्पष्ट केल्यानंतर या याचिका मागे घेण्यात आल्या. तसेच या याचिकाकर्त्यांना पुन्हा दाद मागण्याची मुभा देण्यात आली असल्याचे हायकोर्टाने स्पष्ट केले आहे.

न्यायालयाने काय म्हंटले ? 

अजित पवार यांच्या विमान अपघात प्रकरणाचा जोपर्यंत AAIB दिल्ली यांचा अंतिम अहवाल येत नाही, जोपर्यंत तपास चालू आहे. त्यांच्याकडून तपासातून काही निष्कर्ष पुढे येत नाही आणि अहवाल पुढे येत नाही, तोपर्यंत आम्ही काय करु शकत नाही. त्यांचा अहवाल आल्यानंतर पुढे जे काही येईल, त्यानंतर आम्ही तुमच्या केसचा विचार करु असे न्यायालयाने म्हटले आहे. Ajit Pawar plane accident

अजित पवार यांच्या विमान अपघातात झालेल्या मृत्यूप्रकरणी आरटीआय कार्यकर्ता केतन तिरोडकर यांनी याप्रकरणी गुन्हा दाखल करण्याची मागणी केली होती.  तर भारत अगेन्स्ट करप्शनचे राष्ट्रीय अध्यक्ष हेमंत पाटील यांनी हा तपास एसआयटीकडे सोपवण्याची, त्याचबरोबर संबंधित विमान कंपनी व इतर जबाबदार व्यक्तींवर गुन्हे दाखल करण्याचे आदेश द्यावे अशी विनंती न्यायालयाला केली होती.

Murlidhar Mohol: देशात महागाईचा दर कमी झालाय; केंद्रीय राज्यमंत्री मुरलीधर मोहोळ यांचा मोठा दावा

या याचिकांवर सोमवारी प्रभारी मुख्य न्यायमर्ती रवींद्र घुगे आणि न्यायमूर्ती गौतम अनखड यांच्या खंडपीठासमोर सुनावणी घेण्यात आली. मागण्या पूर्ण झाल्याने सध्या या याचिकांची गरज नाही, असे खंडपीठाने स्पष्ट करत त्या फेटाळत असल्याचे सांगितले आणि या दोन्ही याचिका मागे घेण्यात आल्या.

यावर याचिकादाराच्या वकीलांनी AAIB दिल्ली यांनी दोन महिन्यात अहवाल पाठविला नाही तर आम्ही पुन्हा न्यायालयात येणार असल्याचे स्पष्ट केले आहे. Ajit Pawar plane accident

हेही वाचा: 

Shahaji Bapu Patil : “गणेश नाईक यांनी शरद पवार यांना संपर्क साधून…”; शहाजी बापू पाटलांचा खळबळजनक आरोप