Maharashtra Politics: राष्ट्रवादी काँग्रेस अजित पवार पक्षाला भाजपकडून मोठा धक्का मिळण्याची शक्यता आहे. सांगलीत एक मोठी राजकीय घडामोड घडणार आहे.

राष्ट्रवादी काँग्रेस अजित पवार पक्षात असणारे सांगलीतील माजी खासदार संजयकाका पाटील यांनी भाजपमध्ये पुन्हा प्रवेश करण्याचा निर्णय घेतला आहे. मुंबईमध्ये मुख्यमंत्री देवेंद्र फडणवीस यांच्या उपस्थितीत 30 जून रोजी संजयकाका पाटील यांचा भाजपात प्रवेश होणार असल्याची माहिती समोर आली आहे.

गेल्या काही महिन्यांपासून त्यांची भाजपसोबत जवळीक वाढली होती. यामुळे संजयकाका भाजपात पुन्हा परतणार,अशी चर्चा सुरू होती. मात्र पक्षांतर्गत असणाऱ्या विरोधामुळे ग्रीन सिग्नल मिळत नव्हता, दोन दिवसांपूर्वी भाजपचे प्रदेशाध्यक्ष रवींद्र चव्हाण यांची संजयकाका पाटील यांनी विटा येथे भेट घेत चर्चा केली होती आणि आता त्यांचा भाजप प्रवेशाचा मार्ग मोकळा झाला आहे.   (Maharashtra Politics)

 

सांगली लोकसभा मतदार संघातून दोन वेळा विजयी झालेले पाटील यांचा विशाल पाटील यांनी पराभव केल्याने तिसर्‍यांदा संसदेत जाण्याचे त्यांचे स्वप्न भंगले.  २०२४ मध्ये लोकसभा निवडणुकीत पराभूत झाल्यानंतर त्याच वर्षी नोव्हेंबरमधील विधानसभा निवडणुकादरम्यान संजय पाटील हे राष्ट्रवादीत गेले होते.  (Maharashtra Politics)

अजित पवार गटाकडून त्यांनी तासगाव विधानसभा मतदारसंघातून निवडणूक लढवली. मात्र तेथेही त्यांना पराभव पत्करावा लागला. आमदार रोहित पाटील यांच्याकडून त्यांचा पराभव झाला.   (Maharashtra Politics)

यानंतर त्यांनी तासगाव नगरपालिका तसेच तासगाव पंचायत समितीमध्ये सत्ता आणून त्यांनी पुन्हा एकदा आपल्या नेतृत्वाची चुणूक दाखवून दिली. त्यानंतर त्यांचे भाजपशी जवळीक पुन्हा वाढली. यानंतर सांगली सातारा स्थानिक स्वराज्य संस्था निवडणुकीच्या निमित्ताने प्रदेशाध्यक्ष रवींद्र चव्हाण हे शनिवारी कराड येथे आले होते. त्यावेळी दोन्ही नेत्यांची भेट झाली आणि अखेर त्यांचा भाजप प्रवेश निश्चित झाला.  (Maharashtra Politics)

हेही वाचा:

US Iran Peace Deal: जगाला मोठा दिलासा! होर्मुझ खुलं, अमेरिकी सैन्य माघारी; शांतता करारातील १० महत्त्वाचे मुद्दे जाणून घ्या