Ajit Pawar Funeral : महाराष्ट्राचे उपमुख्यमंत्री अजित पवार यांचे विमान अपघातात निधन झाले आहे. त्यांच्या निधनाने सर्वांनाच मोठा धक्का बसला आहे. दरम्यान , अजित पवार यांच्यावर थोड्याच वेळात अंत्यसंस्कार करण्यात येणार आहेत. अजित पवार यांच्या अंत्यसंस्काराला उपस्थित राहण्यासाठी केंद्रीय गृहमंत्री अमित शहा बारामतीत पोहचले आहेत. केंद्रीय गृहमंत्री अमित शाह यांना घेण्यासाठी मुख्यमंत्री देवेंद्र फडणवीस आणि उपमुख्यमंत्री एकनाथ शिंदे हे विमानतळावर उपस्थित होते. दरम्यान , अमित शाह यांच्या सोबत भाजपचे राष्ट्रीय अध्यक्ष नितीन नबीन हे देखील अजित पवारांच्या अंत्यसंस्कारासाठी दाखल झाले आहेत. Ajit Pawar Funeral : दरम्यान, पवार यांच्यावर आज ११ वाजता पूर्ण शासकीय इतमामात अंत्यसंस्कार करण्यात येणार आहेत. विविध राजकीय पक्षांचे ज्येष्ठ नेते श्रद्धांजली वाहण्यासाठी बारामती येथे पोहोचले आहेत. राष्ट्रवादी काँग्रेसचे ज्येष्ठ नेते आणि महाराष्ट्रातील एक प्रमुख राजकीय व्यक्तिमत्त्व असलेले अजित पवार यांचे मुंबईहून बारामतीला जात असताना एका चार्टर्ड विमानाचा अपघात होऊन निधन झाले.
