Ajit Pawar’s reaction to Jayant Patil’s resignation : महाराष्ट्राच्या राजकारणातून मोठी बातमी समोर आली आहे. अखेर राष्ट्रवादी काँग्रेस शरद पवार गटाचे नेते जयंत पाटील यांनी पक्षाच्या प्रदेशाध्यक्ष पदाचा राजीनामा दिला आहे. यामुळे आता राष्ट्रवादी काँग्रेस पक्षाच्या प्रदेशाध्यक्ष पदाची धुरा शशिकांत शिंदे यांच्याकडे सोपविण्यात येणार असल्याचे सांगितले जात आहे. यामुळे आता शरद पवारांनी शरद पवारांनी भाकरी फिरवली असल्याची चर्चा होत आहे.

जयंत पाटील पक्षाच्या प्रदेशाध्यक्ष पदावरून पायउतार झाल्यानंतर आता राष्ट्रवादी काँग्रेस पक्षाचे राष्ट्रीय अध्यक्ष अजित पवार यांना प्रश्न विचारण्यात आल्यानंतर दादांनी यावर भाष्य करणं टाळलं आहे. युनिस्कोच्या यादीत छत्रपती शिवाजी महाराज यांच्या १२ किल्ल्यांना स्थान मिळाल्याने त्यांनी आनंद व्यक्त केला.

तसेच इतके वर्ष सरकारं आली आणि गेली. मात्र, परंतु दुर्देवाने बरेच जण छत्रपती शिवाजी महाराजांचे नाव घेऊन स्वतःची राजकीय पोळी भाजण्याचे कामं करत असल्याचा टोला त्यांनी लगावला. बारामती दौऱ्यावर असताना त्यांनी माध्यमांशी संवाद साधला त्यावेळी ते बोलत होते.

प्रदेशाध्यक्ष पदावरून पायउतार होण्याची इच्छा

१५ जुलै मंगळवारी शशिकांत शिंदे हे प्रदेशाध्यक्ष पदाचा पदभार स्वीकारणार आहेत. गेल्या काही दिवसांपासून राष्ट्रवादी काँग्रेस शरद पवार पक्षाच्या प्रदेशाध्यक्ष पदावर पायउतार होण्याची इच्छा जयंत पाटील यांनी अनेकदा बोलून दाखवली होती. अखेर त्यांनी आपल्या प्रदेशाध्यक्ष पदाचा राजीनामा दिला असून आता पक्षाचे नवे प्रदेशाध्यक्ष शशिकांत शिंदे हे असणार असल्याची माहिती माध्यमांतून समोर आली आहे.

पदाधिकाऱ्यांनी केली होती ही मागणी