Ajit Doval : राष्ट्रीय सुरक्षा सल्लागार अजित डोवाल यांना अमेरिकेतील न्यायालयाचे समन्स
अमेरिकेतील खलिस्तानी फुटिरवादी नेता गुरपतवंत सिंग पन्नू याच्याशी संबंधित प्रकरणी अमेरिकेतील न्यायालयाने राष्ट्रीय सुरक्षा सल्लागार अजित डोवाल (Ajit Doval) आणि रिसर्च ॲनालिसिस विंगचे संचालक सामंत गोयल यांना समन्स पाठवले आहे.

Ajit Doval : अमेरिकेतील खलिस्तानी फुटिरवादी नेता गुरपतवंत सिंग पन्नू याच्याशी संबंधित प्रकरणी अमेरिकेतील न्यायालयाने राष्ट्रीय सुरक्षा सल्लागार अजित डोवाल (Ajit Doval) आणि रिसर्च ॲनालिसिस विंगचे संचालक सामंत गोयल यांना समन्स पाठवले आहे. विविध दहशतवादी कारवायांप्रकरणी पन्नू हे भारतीय तपास संस्थांसाठी वॉन्टेड आहे.
अजित डोवाल (Ajit Doval) आणि रॉचे संचालक सामंत गोयल यांना पेडएक्सच्या माध्यमातून पतियाळा हाऊस न्यायालयात समन्स पाठवण्यात आले असल्याचे अमेरिकेतील सदर्न डिस्ट्रीक्ट कोर्ट ऑफ न्यूयॉर्कमधील सूत्रांनी सांगितले.
हेग अधिवेशनाचा दाखला देऊन याच न्यायालयाने डोवाल आणि गोयल यांना समन्स बजावण्याचे आदेश १३ नोव्हेंबर रोजी दिले होते. संबंधितांविरोधात प्रलंबित असलेली सनदी प्रक्रिया पुर्ण करण्यासाठी हे समन्स भारतातील न्यायालयाकडे पाठवून दिले गेले आहे.
आपल्यावर झालेल्या कथित प्राणघातक हल्ल्याप्रकरणी नुकसान भरपाई मागण्यासाठी सिख फॉर जस्टीस या बंदी घातलेल्या संघटनेचा कायदेशीर सल्लागार असलेल्या पन्नून याने दिवाणी खटला दाखल केला आहे. भारताच्या विदेशी गुप्तचरांच्या मदतीने डोवाल यांनी आपल्या हत्येचा कट रचल्याचा आरोप पन्नून याने केला आहे.
अमेरिकेच्या परराष्ट्र मंत्रालयाने बजावलेले समन्स भारतीय दूतावासातील वरिष्ठ अधिकाऱ्यांमार्फत डोवाल (Ajit Doval) आणि गोयल यांना देण्याचा प्रयत्न गेल्या महिन्यात अमेरिकेतील न्यायालयाने केला होता. मात्र भारत सरकारने हे आरोप फेटाळून लावत असे समन्स केवळ कायदा आणि न्याय मंत्रालयाच्या मार्फतच दिले जाऊ शकते, असे सांगितले होते.






