Aishwarya Rai Bachchan : अभिनेत्री ऐश्वर्या राय बच्चन आणि तिची मुलगी आराध्या बच्चन यांचा एक व्हिडिओ सध्या सोशल मीडियावर जोरदार व्हायरल होत आहे. दोघीही मुंबईतील जीएसबी गणेशोत्सव मंडपात दर्शनासाठी पोहोचल्या होत्या. दरवर्षी ऐश्वर्या इथे बप्पांच्या दर्शनाला येते आणि या वेळी तिने आपल्या मुलीसोबत बप्पांचे आशीर्वाद घेतले.

व्हिडिओमध्ये आई-मुलगी भक्तांच्या गर्दीतून जाताना दिसतात. दोघीही स्मितहास्याने सर्वांना अभिवादन करत होत्या. पंडालात जाण्यापूर्वी त्यांनी चाहत्यांसोबत सेल्फीही काढली. मात्र, सोशल मीडियावर काहींनी आराध्याबद्दल कॉमेंट करत विचारलं, “ही इतकी वेगळी का दिसतेय? तिला काय झालंय?” अनेकांनी तिच्या हेअरस्टाइल बद्दलही लिहिलं की तिने नवा हेअरकट करून घ्यावा.

काही जणांनी तर आराध्याच्या सौंदर्याबद्दल आईशी तुलना केली. एकाने लिहिलं, “आराध्या आईसारखी सुंदर नाही.” तर दुसऱ्याने म्हटलं, “ऐश्वर्याची मुलगी ऐश्वर्याची आई वाटते.”

दरम्यान, काही दिवसांपूर्वी अभिषेक आणि ऐश्वर्या यांच्या घटस्फोटाच्या अफवा पसरल्या होत्या. पण दोघंही एकत्र दिसल्यामुळे त्या चर्चांना पूर्णविराम मिळाला. त्यांनी आराध्याच्या शाळेच्या वार्षिक कार्यक्रमाला अमिताभ बच्चन यांच्यासह हजेरी लावली होती. तसेच ऐश्वर्याने अभिषेकच्या वाढदिवसाला शुभेच्छाही दिल्या होत्या.

ऐश्वर्या आणि अभिषेक यांचा विवाह 2007 साली झाला. चार वर्षांनी, 2011 मध्ये आराध्याचा जन्म झाला. कामाच्या आघाडीवर, ऐश्वर्या शेवटची मणिरत्नमच्या पोन्नियिन सेलवन: पार्ट 1 आणि 2 या चित्रपटांत झळकली होती.