नवी दिल्ली – गेल्या काही वर्षांत गुन्हेगारांविरुद्धच्या शासनाच्या बदललेल्या दृष्टिकोनामुळे पोलिसांच्या कारवाईची व्याप्ती वाढली आहे. खासकरून युपी सरकारमध्ये याचा प्रत्यय मोठ्या प्रमाणावर पाहायला मिळतो. यामध्ये आता युपीमधील माफियांची लिस्टही बदलली असून त्यात आता २५ नवीन नावांचा समावेश आहे. माफियांच्या यादीत दीर्घकाळ अव्वल असलेले अतिक अहमद यांचे नाव त्यांच्या मृत्यूने आपोआपच बाद झाले आहे.

योगी सरकार 2.0 ने 25 नवीन माफियांची यादी केल्याचे समोर आले आहे. ज्यामध्ये बाहुबली विजय मिश्रा, भदोहीच्या ज्ञानपूर मतदारसंघातून चार वेळा आमदार राहिलेले, सहरपूरचे रहिवासी असलेले बसपचे माजी आमदार हाजी इक्बाल उर्फ ​​बाला, कुख्यात सुनील राठी, पश्चिम उत्तर प्रदेशातील बदन सिंग उर्फ ​​बड्डो यांचा समावेश आहे. .आंबेडकर नगर येथील अजय शिपाहीसह अन्य कुख्यात लोकांचा देखील यामध्ये समावेश करण्यात आला आहे.

एसटीएफ आणि पोलिसांची माफियांवर करडी नजर
लिस्टेड माफियांच्या कारवायांवर एसटीएफ आणि जिल्हा पोलिसांची करडी नजर आहे. सरकारी स्तरासमोर मंजूर झालेल्या 25 माफियांमध्ये मुख्तार अन्सारी, ब्रिजेश सिंग, त्रिभुवन सिंग उर्फ ​​पवन सिंग, संजीव महेश्वरी उर्फ ​​जीवा, ओमप्रकाश श्रीवास्तव उर्फ ​​बबलू, सुशील उर्फ ​​मूच, सीरियल किलर सलीम, रुस्तुम आणि सोहराब यांच्यासह इतर नावांचा समावेश नाही.

खंडणी,दहशतगर्दी आणि मारहाण यांच्याविरोधात योगी सरकारने पहिल्यापासूनच आक्रमक पवित्रा घेतलेला आहे. सर्वसामान्यांना कोणताही त्रास होऊ नये यासाठी योगी सरकार छोट्या मोठ्या गुंडांपासून ते बाहुबली असलेल्या टोळक्यांवर लक्ष ठेऊन आहे. यासाठी सरकारने आणखी तब्बल 64 माफियांची यादी काढल्याचे देखील समजते. कायदा सुव्यवस्था राखण्यासाठी योगी सरकार सदैव तत्परता दाखवताना याआधी देखील दिसून आले आहे.