Kangana Ranaut : अभिनेत्री व खासदार कंगना राणावत आपल्या बेधडक आणि स्पष्ट वक्तव्यांमुळे नेहमीच चर्चेत असतात. आता त्यांचा आणखी एक व्हिडिओ समोर आला आहे. ज्यात त्यांनी भाजप आणि राष्ट्रीय स्वयंसेवक संघ यांच्याशी जोडले गेल्यामुळे आपल्या विचारांमध्ये बदल झाल्याचेही त्यांनी सांगितले.   (Kangana Ranaut)

याच दरम्यान कंगना यांनी अप्रत्यक्षरित्या नाव न घेता सोनाक्षी सिन्हावर टीका केल्याचे देखील म्हंटले जात आहे. कंगणा यांनी दावा केला की, “चित्रपटसृष्टीतील अनेक हिंदू मुलींना मी जवळून पाहिलं आणि ओळखते. त्या हिंदू असल्या तरी राजकारणाबाबत त्यांची ठाम भूमिका नसते, त्या तटस्थ असतात. पण ज्या क्षणी त्या इस्लाम धर्मीय लोकांच्या संपर्कात येतात मग ते लग्नामुळे असो किंवा मैत्रीमुळे त्यांच्या विचारांमध्ये अचानक मोठा बदल होतो. त्या डाव्या विचारसरणीच्या बनतात,” असे कंगना यांनी म्हंटले आहे. मात्र, कंगना यांनी या अभिनेत्रीचं नाव स्पष्टपणे घेतलेलं नाही.   (Kangana Ranaut)

 

View this post on Instagram

 

त्या पुढे म्हणाल्या, “एखाद्या व्यक्तीने आपली विचारसरणी किंवा धर्म बदलण्याबाबत त्यांना कोणतीही अडचण नाही, कारण भारतीय संविधान प्रत्येकाला आपल्या इच्छेनुसार धर्म आणि विचारसरणी स्वीकारण्याचं स्वातंत्र्य देतं. मी पूर्वी एक सामान्य हिंदू होते. पण आता लोक मला विचारतात, तू कधीपासून संघी झाली?”   (Kangana Ranaut)

“मला भाजप आणि राष्ट्रीय स्वयंसेवक संघ यांच्या जागृत हिंदू विचारसरणीचा स्वीकार करायचा आहे. मी माझी विचारसरणी का बदलू शकत नाही? स्वतःला समाजाचे ठेकेदार समजणारे लोक १० वर्षांपूर्वीचे माझे व्हिडीओ काढून म्हणतात, तू तर खूप पार्टी करायची. मी पार्टी करायचे. पण आज मला ठाम विचारांची आणि जागृत हिंदू बनायचं आहे. आपल्या हिंदू मुलींना ठाम विचारांच्या आणि जागृत हिंदू विचारसरणीचा स्वीकार करायचा असेल, तर त्यात चुकीचं काय आहे?”, असा सवालही कंगणा यांनी केला आहे.   (Kangana Ranaut)

कंगना यांचा रोख सोनाक्षी सिन्हाकडे?   (Kangana Ranaut)

दरम्यान, कंगना यांच्या या विधानाचा काही नेटकऱ्यांनी तिचा रोख सोनाक्षी सिन्हाकडे असल्याचं म्हटलं. सोनाक्षीने २०२४ मध्ये झहीर इक्बाल याच्याशी लग्न केलं होतं. सोनाक्षी सिन्हाने तिच्या इन्स्टाग्राम अकाउंटवर विद्यार्थी आंदोलनाच्या समर्थनार्थ अनेक व्हिडीओ शेअर केले आहेत. या व्हिडीओंमध्ये सोनाक्षी अनेकदा कॅप आणि शॉर्ट्ससह कॅज्युअल पेहरावात दिसली होती.   (Kangana Ranaut)

कारण अलिकडेच कंगणाने, “मी एका अभिनेत्रीचं निरीक्षण करत आहे. ती हाफ पँट, उलटी कॅप घालून ती आंदोलनकर्त्यांच्या गटारछाप वर्तनाचं जोरदार समर्थन करते.” असे म्हंटले होते. त्यानंतर आता कंगणाने यांनी नाव न घेता व्हिडिओ शेअर करत सोनाक्षीवर निशाणा साधला  असल्याची चर्चा होत आहे.   (Kangana Ranaut)

हेही वाचा: 

Abhijit Deepke Complaint: ‘पाकिस्तानी एजंट’ म्हणत अभिजित दीपकेविरोधात दिल्लीत तक्रार ; प्रसिद्ध इन्फ्लुएन्सरकडून अटकेची मागणी