Hyundai | Suzuki : मारुती सुझुकी कारची किंमत वाढ: ऑटो क्षेत्रातील आघाडीची कंपनी मारुती सुझुकी इंडिया जानेवारी 2025 पासून गाडीच्या प्रकारानुसार आपल्या कारच्या किमती 4 टक्क्यांनी वाढवणार आहे. सोशल मीडिया प्लॅटफॉर्म X वर ही माहिती देताना कंपनीने म्हटले आहे की, “मारुती जानेवारी 2025 पासून प्रकारानुसार कारच्या किमती 4% पर्यंत वाढवेल’.

सुझुकी इंडियाने म्हटले आहे की, कच्च्या मालाची वाढती किंमत आणि ऑपरेटिंग खर्च पाहता कंपनीने जानेवारी 2025 पासून आपल्या कारच्या किमती वाढवण्याची योजना आखली आहे. किमतीत चार टक्क्यांपर्यंत वाढ अपेक्षित आहे आणि ती मॉडेलनुसार बदलू शकते.

त्यात म्हटले आहे की जरी कंपनी सतत खर्च ऑप्टिमाइझ करण्यासाठी आणि ग्राहकांवर होणारा परिणाम कमी करण्याचा प्रयत्न करत असली तरी वाढलेल्या खर्चाचा काही भाग बाजाराला द्यावा लागेल.

Hyundai ने किंमती 25000 रुपयांनी वाढवल्या :

यापूर्वी, Hyundai Motor India ने 1 जानेवारीपासून आपल्या कारच्या विविध मॉडेल्सच्या किमतीत 25,000 रुपयांपर्यंत वाढ करण्याची घोषणा केली आहे. याशिवाय विविध लक्झरी वाहन उत्पादक मर्सिडीज-बेंझ, बीएमडब्ल्यू आणि ऑडी यांनीही पुढील महिन्यापासून वाहनांच्या किमती वाढवण्याची घोषणा केली आहे.

वाढत्या किमतीचा परिणाम :

खरं तर, जागतिक वस्तूंच्या वाढत्या किमती, कच्च्या मालावरील उच्च आयात शुल्क आणि पुरवठा साखळीतील व्यत्यय यामुळे भारतीय वाहन उत्पादकांना उच्च खर्चाचा सामना करावा लागत आहे. यामुळेच कंपन्या दर वाढवत आहेत. टाटा मोटर्सने या आर्थिक वर्षात आपल्या व्यावसायिक वाहनांच्या किमती दोनदा वाढवल्या आहेत.

त्यानंतर, नोव्हेंबरमध्ये, जर्मन ऑटोमोटिव्ह कंपनी BMW Motorrad ने भारतातील त्यांच्या संपूर्ण मॉडेल श्रेणीमध्ये किंमत वाढीची घोषणा केली. 1 जानेवारी 2025 पासून किमती 2.5 टक्क्यांपर्यंत वाढतील.