Sushma Andhare | Jayant Patil – राज्याच्या राजकारणात मोठ्या घडामोडी घडण्याचे संकेत मिळत असून, शरद पवार गटाचे ज्येष्ठ नेते जयंत पाटील यांच्याकडे राज्याच्या अर्थमंत्रिपदाची जबाबदारी सोपवली जाण्याची जोरदार चर्चा आहे.  (Sushma Andhare)

गेल्या काही दिवसांपासून सुरू असलेल्या गुप्त भेटीगाठींमुळे महाराष्ट्रातील राजकीय समीकरणांना नवे वळण मिळण्याची शक्यता व्यक्त केली जात आहे.

भाजप नेते विनोद तावडे, उपमुख्यमंत्री एकनाथ शिंदे, तसेच राष्ट्रवादीचे नेते प्रफुल्ल पटेल आणि सुनील तटकरे यांच्या भेटींनंतर जयंत पाटील यांच्या नावावर सहमती झाल्याचे बोलले जात आहे.    (Sushma Andhare)

 

विशेषतः एकनाथ शिंदे यांच्यासोबत झालेल्या चर्चेनंतर अर्थखाते देण्याबाबतचा तिढा सुटल्याची माहिती समोर येत आहे. मात्र, याबाबत अद्याप कोणतीही अधिकृत घोषणा करण्यात आलेली नाही.  (Sushma Andhare)

दरम्यान, आता यावर शिवसेना ठाकरे गटाच्या नेत्या सुषमा अंधारे यांनी सुद्धा अर्थमंत्रिपदावर भाष्य केले आहे. सुषमा अंधारे यांना जयंत पाटील यांना अर्थखातं मिळणार याबाबत प्रश्न विचारण्यात आला होता.    (Sushma Andhare)

यावर बोलताना अंधारे यांनी सांगितले की, ‘पक्ष कुठलाही असो, अजितदादांनी अर्थखातं उत्तम संभाळलं होतं. अजितदादांनंतर अर्थखातं सांभाळण्याची क्षमता जयंत पाटलांकडे आहे. मात्र जयंत पाटील आमच्यासोबत आहेत. सुनील तटकरे, प्रफु्ल्ल पटेलांची विश्वासार्ता काय? दादा गेल्यावर बोलत होते विलिनीकरणाबाबत चर्चा झाली नाही.  (Sushma Andhare)

आता बोलतात विलिनीकरणाबाबत चर्चा झाली, कोणते तटकरे खरे? तटकरे मुलांना मोठे करण्यात लागले होते, अनिकेत तटकरे, अदिती तटकरेंचा पोर्टफोलिओ काय? केवळ सुनील तटकरेंची मुलं, कर्तुत्व काय. जयंत पाटील मुख्यमंत्र्यांना भेटायला गेले होते, भाजपच्या नेत्याला नव्हे. भेटीचं कारण जयंत पाटलांनी सांगितलं आहे. असं त्या म्हणाल्या.  (Sushma Andhare)

दरम्यान, राज्यातील आगामी राजकीय घडामोडींच्या पार्श्वभूमीवर जयंत पाटील यांच्याकडे अर्थखाते सोपवले जाते का आणि दोन्ही राष्ट्रवादींच्या एकत्र येण्याच्या चर्चांना प्रत्यक्ष स्वरूप मिळते का, याकडे आता सर्वांचे लक्ष लागले आहे.  (Sushma Andhare)