Parliament Security Breach : संसदेच्या सुरक्षेत अक्षम्य चूक झाल्यानंतर आता या घटनेवरून देशातील राजकीय वर्तुळातून सरकारवर निशाणा साधण्यास सुरूवात झाली आहे. दरम्यान, या प्रकरणी सर्व आरोपींना अटक करण्यात आली असून त्यांची चौकशी सुरू करण्यात आली आहे. मात्र, सुरक्षेतील त्रुटींवरून विरोधक सातत्याने सरकारला कोंडीत पकडण्याचा प्रयत्न करण्यात येत आहेत. या मालिकेत काँग्रेसचे लोकसभा खासदार अधीर रंजन चौधरी यांनी पंतप्रधान नरेंद्र मोदींवर निशाणा साधला आहे. ते म्हणाले की, मोदी असतील तर अवघड आहे.

सुरक्षेतील त्रुटींच्या मुद्द्यावरून अधीर रंजन चौधरी संसदेत बोलत होते. त्यावेळी त्यांनी, ‘पंतप्रधान मोदी हे सभागृह नेते आहेत. त्यांनी येथे येऊन सुरक्षेतील त्रुटींबाबत निवेदन द्यावे. पण आता आपण म्हणू शकतो की ‘मोदी है तो मुश्किल है…’. संरक्षणमंत्री राजनाथ सिंह यांनी सभागृहात येऊन निवेदन दिले, पण त्यांनी आधी आम्हाला एकदा बोलावायला हवे होते. हिवाळी अधिवेशनापूर्वी दिल्ली पोलिस अधिकाऱ्यांना सावध राहण्याचा सल्ला दिला होता, असे काँग्रेस खासदार म्हणाले.

लोकसभेतील विरोधी पक्षनेते अधीर रंजन यांनीही त्या प्रश्नांना उत्तरे दिली ज्यात संसदेच्या सुरक्षेबाबत विरोधक राजकारण करत असल्याचे म्हटले जात आहे. ते म्हणाले, संसदेत प्रश्न विचारणे आपले कर्तव्य आहे. जर तुम्ही आमच्यावर आरोप करत असाल आणि आम्ही यावर राजकारण करतो असे म्हणत असाल तर याचा अर्थ सरकार एकत्रितपणे सर्वसामान्यांच्या प्रश्नांकडे दुर्लक्ष करण्याचा प्रयत्न करत असल्याचे त्यांनी म्हटले आहे.

पुढे त्यांनी विचारले, पंतप्रधानांनी अद्याप काही वक्तव्य केले आहे का? गृहमंत्री अमित शहा यांनी पंतप्रधानांना संसदेच्या कामकाजाचे आचरण समजून सांगावे द्यावे. सध्या संसदेचे हिवाळी अधिवेशन सुरू असून विरोधकांनी सभागृहात सुरक्षा व्यवस्थेतील त्रुटींचा मुद्दा उपस्थित केला आहे. 13 डिसेंबर रोजी संसद भवनात घुसखोरी झाली होती, त्यानंतर सभागृहाचे कामकाज तहकूब करण्यात आले होते. मात्र, गुरुवारपासून (14 डिसेंबर) सभागृहात विरोधकांकडून या मुद्द्यावरून सातत्याने घोषणाबाजी सुरू आहे.