Jennifer Winget :  टीव्ही अभिनेत्री जेनिफर विंगेट तिच्या वैयक्तिक आयुष्यामुळे चर्चेत आली आहे. ४१ वर्षांची जेनिफर विंगेट दुसऱ्यांदा लग्न करणार असल्याच्या चर्चांना सध्या उधाण आले आहे. अभिनेता करण सिंग ग्रोव्हरसोबत घटस्फोट झाल्यानंतर तब्बल १२ वर्षांनी अभिनेत्री दुसऱ्यांदा संसार थाटणार असल्याचे बोलले जात आहे.

ती लवकरच सिंगापूरचे बिझनेसमन इश्माएल विलियम यांच्यासोबत लग्नगाठ बांधू शकते, असे म्हटले जात आहे. हे दोघेही गेल्या बऱ्याच काळापासून एकमेकांना डेट करत असून, आता ते आपल्या नात्याला अधिकृत नाव देण्याच्या तयारीत आहेत.

एका रिपोर्टनुसार, जेनिफरच्या बॉयफ्रेंडने एका व्हेकेशन दरम्यान तिला लग्नासाठी प्रपोज केले होते. दीर्घकाळापासून एकमेकांना डेट करणारे हे जोडपे या वर्षाच्या शेवटी किंवा पुढच्या वर्षाच्या सुरुवातीला लग्न करू शकतात.  (Jennifer Winget)

जेनिफर विंगेट आणि विलियम हे दोघेही ख्रिश्चन आहेत, त्यामुळे हे दोघेही ख्रिश्चन रितीरिवाजांनुसार लग्न करणार असून, या सोहळ्यात त्यांचे जवळचे मित्र हरलीन सेठी आणि रितेश देशमुख, जेनेलिया देशमुख प्रामुख्याने उपस्थित राहणार आहेत. सध्या हे दोघे आपल्या लग्नासाठी योग्य ठिकाण शोधत आहेत. दोघांनी तयारी सुरू केली असून, ते या वर्षी सप्टेंबर-ऑक्टोबर किंवा डिसेंबर-जानेवारी दरम्यान लग्न करू शकतात. Jennifer Winget

करण सिंग ग्रोव्हरसोबत झालं होतं पहिलं लग्न    (Jennifer Winget)

जेनिफर विंगेटने पहिले लग्न अभिनेता करण सिंग ग्रोव्हरसोबत केले होते. या दोघांची भेट ‘दिल मिल गए’ या टीव्ही मालिकेच्या सेटवर झाली होती. एकत्र काम करत असतानाच दोघे एकमेकांच्या प्रेमात पडले आणि काही काळातच त्यांनी लग्न करण्याचा निर्णय घेतला. २०१२ मध्ये हे कपल लग्नबंधनात अडकले होते. लग्नानंतर अवघ्या २ वर्षांतच जेनिफर विंगेट आणि करण सिंग ग्रोव्हर यांचे नाते तुटले. २०१४ मध्ये दोघांनी अधिकृतपणे घटस्फोट घेतला. त्यानंतर करण सिंग ग्रोव्हर त्याच्या आयुष्यात पुढे गेला आणि त्याने बॉलिवूड अभिनेत्री बिपाशा बासूसोबत तिसरे लग्न केले.

दरम्यान,  जेनिफर विंगेट इंडस्ट्रीमध्ये बऱ्याच काळापासून सक्रिय आहे. ‘कसौटी जिंदगी की’ या लोकप्रिय मालिकेत तिने श्वेता तिवारीच्या मुलीची भूमिका साकारली होती त्यानंतर तिने ‘दिल मिल गए’, ‘बेहद’, ‘बेपनाह’ आणि ‘सरस्वतीचंद्र’ सारख्या सुपरहिट शोमध्ये काम केले. Jennifer Winget

हेही वाचा: 

Earthquake in Philippines: कोसळलेल्या इमारती अन् शाळांपासून मॉल्सपर्यंत ऐकू येणाऱ्या किंकाळ्या … ; फिलीपिन्समध्ये भूकंपाचा विध्वंस