मुंबई – पौराणिक कथांपासून ऍक्‍शन मनोरंजन आणि रोम-कॉमपासून सायन्स फिक्‍शन पर्यंत भारतीय सुपरस्टार ‘प्रभास’ने प्रत्येक क्षेत्रात यशस्वीपणे नवनवीन प्रयत्न करत स्वःतला सिद्ध केले आहे. त्याच्या प्रत्येक भूमिकेला चाहत्यांकडून उत्स्फूर्त दाद मिळाली आहे. आणि त्यामुळेच प्रभासने एक नवे शिखर गाठले असून, तो लवकरच आपल्या आगामी ‘आदिपुरुष’ चित्रपटात झळकणार आहे. या चित्रपटात प्रभास सोबत मुख्य भूमिकेत बॉलिवूड अभिनेत्री ‘क्रिती सेनन’ दिसणार आहे. ‘आदिपुरुष’ हा चित्रपट रामायणावर आधारित असून, या चित्रपटाचे डायरेक्‍शन ओम राऊत करणार आहेत.

दरम्यान, बाहुबली फेम प्रभास 43 वर्षाचा असून चित्रपटसृष्टीतील मोस्ट एलिजिबल बॅचरल आहे. प्रभास कधी लग्न करणार? असा प्रश्न त्याच्या चाहत्यांना पडत असतो. नुकतंच प्रभासनं एका शोमध्ये अनेक गोष्टींचा खुलासा केला आहे. शोमध्ये अभिनेत्याला त्याच्या लग्नाबद्दल देखील विचारण्यात आलं. यामुळे अभिनेता पुन्हा एकदा चर्चेत आला आहे.

शोच्या होस्टने अभिनेत्याला लग्न कधी करणार असा प्रश्न विचारला. यावर प्रभास म्हणाला, ‘मला याबद्दल कल्पना नाही सर… सध्या लग्नाबद्दल मला काहीही माहिती नाही. मी लग्न नक्की करेल, पण नशिबात अद्याप लग्न लिहिलेलं नाही…’ असं अभिनेता प्रभास यावेळी म्हणाला. सध्या या वक्तव्यामुळे अभिनेता तुफान चर्चेत आला.

दरम्यान, गेल्या काही दिवसांत प्रभासचं नाव अभिनेत्री ‘क्रिती सेनन’शी जोडलं गेलं होत. हे दोघं लवकरच लग्न करणार आहेत, अशी जोरदार चर्चा देखील होती. मात्र क्रितीने सोशल मीडियावर पोस्ट लिहित या चर्चांना पूर्णविराम दिला. त्यानंतर आता खुद्द प्रभासनेच त्याच्या लग्नाचा प्लॅन सांगत या गोष्टींना पूर्णविराम दिल्याचं दिसून आलं आहे.