Abhishek Sharma Poor Form IND vs ZIM 2nd T20I Flop Show Record : भारत आणि झिम्बाब्वे यांच्यातील तीन सामन्यांच्या टी-२० मालिकेत भारतीय संघाचा आक्रमक सलामीवीर अभिषेक शर्माचा (Abhishek Sharma) खराब फॉर्म कायम आहे. मालिकेतील २६ जुलै रोजी खेळल्या गेलेल्या दुसऱ्या टी-२० सामन्यात क्रीजवर बराच वेळ घालवूनही तो अवघ्या ८ धावांवर बाद झाला. विस्फोटक सुरुवातीसाठी ओळखला जाणारा अभिषेक सातत्याने अपयशी ठरत असल्याने आता भारतीय टी-२० संघातील त्याच्या स्थानावरच मोठे प्रश्नचिन्ह निर्माण झाले आहे.

मागील ५ डावांमध्ये पूर्णपणे फ्लॉप!

अभिषेक शर्माची मागील पाच आंतरराष्ट्रीय डावांची आकडेवारी पाहिली तर त्याचा फॉर्म अत्यंत चिंताजनक दिसत आहे. जुलै महिन्यातील इंग्लंड दौऱ्यातील ४३ धावांची एकच खेळी सोडली, तर त्याची बॅट पूर्णपणे शांत आहे. झिम्बाब्वेविरुद्धच्या पहिल्या सामन्यात अवघी १ धाव आणि दुसऱ्या सामन्यात ८ धावा करून तो स्वस्तात माघारी परतला. यापूर्वी इंग्लंडविरुद्धही त्याने अनुक्रमे ३, १६ आणि १० अशा निराशाजनक धावा केल्या होत्या.

मागील पाच टी२० आंतरराष्ट्रीय डावांमधील अभिषेक शर्माची आकडेवारी:

• ८ धावा विरुद्ध झिम्बाब्वे (२६ जुलै, २०२६ – दुसरा टी२० सामना)
• १ धाव (८ चेंडू) विरुद्ध झिम्बाब्वे (२३ जुलै, २०२६ – पहिला टी२० सामना)
• ३ धावा (५ चेंडू) विरुद्ध इंग्लंड (११ जुलै, २०२६)
• १६ धावा (१४ चेंडू) विरुद्ध इंग्लंड (९ जुलै, २०२६)
• १० धावा (७ चेंडू) विरुद्ध इंग्लंड (७ जुलै, २०२६)

‘झिरो’ चा नकोसा वर्ल्ड रेकॉर्ड थोडक्यात हुकला –

🚨Abhishek Sharma last 10 T20 Inn. for India🚨

– 8(8), 1(8), 3(5), 16(14), 10(7), 43(24), 59(24), 0(1), 50(20), 52(21), 9(7).

Inn. – 10 || Runs – 250 || Avg. – 25.0

5 Ducks in last 18 Inn. 🤯 Flopped Abhishek Sharma. pic.twitter.com/wTz5DsHbQj

— VIKAS (@Vikas662005) July 25, 2026

वर्ष २०२६ हे अभिषेक शर्मासाठी टी-२० आंतरराष्ट्रीय क्रिकेटमध्ये अत्यंत वाईट ठरले आहे. या वर्षात २२ डावांमध्ये त्याने २४.३८ च्या सुमार सरासरीने केवळ ५२२ धावा केल्या आहेत. विशेष म्हणजे, या एकाच वर्षात तो ६ वेळा ‘शून्य’वर आउट झाला आहे. एकाच वर्षात टी-२० आंतरराष्ट्रीय क्रिकेटमध्ये सर्वाधिक वेळा (७ वेळा) शून्यावर बाद होण्याचा जागतिक विक्रम पाकिस्तानच्या सैम अयुबच्या नावावर आहे. अभिषेक आता या नकोशा विक्रमापासून अवघा एक पाऊल दूर आहे.

हेही वाचा – Pinky Singh Win : क्रिकेट कोच ते लॉन बॉल्स चॅम्पियन! खाजगी आयुष्यातील वादळावर मात करत पिंकी सिंहचा ग्लास्गो राष्ट्रकुलमध्ये डंका

टीम इंडियाची चिंता वाढली –

Blessing Muzarabani has been all over Abhishek Sharma, dismissing him three times in T20Is! 🔥🇿🇼#ZIMvIND #T20Is #Sportskeeda pic.twitter.com/qdU0xs7h4Z

— Sportskeeda (@Sportskeeda) July 25, 2026

झिम्बाब्वेसारख्या नवख्या संघाविरुद्ध स्वतःचा फॉर्म सिद्ध करण्याची मोठी संधी असताना अभिषेक वारंवार अपयशी ठरत आहे. जर त्याने लवकरच पुनरागमन केले नाही, तर प्लेइंग-११ मधील त्याचे स्थान धोक्यात येऊ शकते.