Abhijit Dipke : राज्यात महाराष्ट्र राज्य परीक्षा परिषद मार्फत 28 जून रोजी शिक्षक पात्रता परीक्षा परिक्षेचे आयोजन करण्यात आले होते. मात्र आज होणाऱ्या टीईटी परीक्षेचा पेपर फुटला आहे. पेपर फुटल्याने होणारी परीक्षा रद्द करण्यात आली आहे. या टीईटी पेपरफुटी प्रकरणावर कॉक्रोच जनता पार्टीचे प्रमुख अभिजीत दिपके यांनी प्रतिक्रिया दिली आहे. (Abhijit Dipke)

दिपके म्हणाले, हे सिध्द झाले आहे की, भाजपचे सरकार केंद्रात असो अथवा राज्यात पेपर लिक झाल्याशिवाय ते घेऊ शकत नाहीत. हे डबल इंजिन नाही तर डबल लिक सरकार आहे. यांचा फोकस, आमदार फोडण्यात खासदार फोडण्यात आहे. (Abhijit Dipke)

सिक्रेट ऑपरेशन व्यवस्थित होतात, पण यांना पेपर सिक्रेट ठेवता येत नाही. हे तर तेच झाले की खून झाला आणि आम्ही खुनीला पकडले आमच्यासाठी टाळ्या वाजवा. खून झाला नाही पाहिजे, पेपर फुटला नाही पाहिजे. धर्मेंद्र प्रधान यांचा राजीनामा झाला तर मेसेज जाईल. (Abhijit Dipke)

जर केंद्रीय मंत्र्याने राजीनामा नाही दिला तर भुसे साहेब राजीनामा कसे देतील? राजीनामा झालाच पाहिजे, असे दिपके म्हणाले. आधी धर्मेंद्र प्रधान यांचा राजीनामा होऊ देत, मग त्यावर बोलू. श्रेय कोणाचेही असू द्या, जिम्मेदारी त्यांची होती. धर्मेंद्र प्रधान यांनी जबाबदारी घेऊन राजीनामा दिला पाहिजे. मला वाटते देशाच्या लोकशाहीसाठी राजीनामा झाला पाहिजे असे, दिपके यांनी म्हटले. (Abhijit Dipke)