Giriraj Singh: केंद्रीय शिक्षण मंत्री धर्मेंद्र प्रधान यांच्या राजीनाम्यावर प्रतिक्रिया देताना केंद्रीय मंत्री गिरीराज सिंह यांनी विरोधी पक्षांवर निशाणा साधला. 

पाटणा याठिकाणी एका निवेदनात, “जर विरोधी पक्षांचा विचार केवळ जय-पराजयापुरता मर्यादित असेल, तर देवच आमचे रक्षण करो.” असे ते म्हणाले. 

गिरीराज सिंह यांनी यावर जोर दिला की, त्यांची चिंता राजकीय जय-पराजयाची नसून देश आणि तरुणांची आहे. गिरीराज सिंह यांनी गंभीर, “या संपूर्ण प्रकरणात अमेरिकेत राहणारी कोणीतरी व्यक्ती सामील आहे”, असे गंभीर आरोप केले.

ते पुढे म्हणाले, “अनेक रहस्ये आता समोर येणार आहेत – पैसे कोण पुरवत होते, ते कुठे पाठवले जात होते आणि जंतर मंतरवर काय घडत होते.” त्यांनी दावा केला की, “काही लोकांना पैशाच्या जोरावर अराजकता पसरवून देश उद्ध्वस्त करायचा आहे.”

पंतप्रधानांच्या दूरदृष्टीचे कौतुक Giriraj Singh: 
मंत्र्यांनी पंतप्रधान नरेंद्र मोदी यांचे कौतुक केले आणि म्हणाले की, त्यांच्या बुद्धिमत्तेमुळे आणि दूरदृष्टीमुळे परिस्थिती नियंत्रणात आणण्यास मदत झाली.

त्यांनी सांगितले की, तरुणांच्या भविष्याची चिंता असलेल्या पंतप्रधानांनी एका महिन्यात २२ लाख विद्यार्थ्यांच्या परीक्षा घेतल्या, निकाल जाहीर केला आणि प्रवेश प्रक्रिया सुरू केली.

विरोधी पक्षनेत्यांवर टीका करताना गिरीराज सिंह म्हणाले की, काही जण परदेश दौऱ्यांवर असताना पंतप्रधानांना विद्यार्थ्यांची चिंता आहे.

दरम्यान, नीट (NEET) आणि इतर परीक्षांसंदर्भातील वादांच्या पार्श्वभूमीवर धर्मेंद्र प्रधान यांनी अलीकडेच राजीनामा दिला.

दीर्घकाळ चाललेल्या विद्यार्थी आंदोलनानंतर आणि जंतर मंतर येथील निदर्शनांनंतर हा निर्णय घेण्यात आला. त्यांच्या राजीनाम्यानंतर गिरीराज सिंह यांनी एक निवेदन जारी केले, ज्यात त्यांनी सरकारच्या कामगिरीवर प्रकाश टाकला.

पंतप्रधानांमुळे विद्यार्थ्यांचा वेळ वाया Giriraj Singh:
ते म्हणाले की, पंतप्रधानांमुळे विद्यार्थ्यांचा वेळ वाया गेला नाही. परीक्षा वेळेवर घेण्यात आल्या, निकाल जाहीर झाले आणि प्रवेश प्रक्रियाही पुढे सरकली. गिरीराज सिंह यांनी विरोधी पक्षांवर राजकीय फायद्यासाठी तरुणांच्या प्रश्नांचा गैरवापर केल्याचा आरोप केला.

गेल्या काही महिन्यांत, नीट पेपरफुटी आणि परीक्षा सुधारणांवरून देशभरात आंदोलने सुरू झाली, ज्यामुळे शिक्षण मंत्रालयावरील दबाव वाढला.

काही लोक प्रधान यांच्या राजीनाम्याला विद्यार्थी आंदोलनाचा विजय मानत असताना, भाजप याला व्यापक हितासाठी घेतलेला निर्णय म्हणत आहे.