AB de Villiers statement  on Jasprit Bumrah : दक्षिण आफ्रिकेचा माजी फलंदाज एबी डिव्हिलियर्सने आगामी आशिया कपसाठी भारतीय वेगवान गोलंदाज जसप्रीत बुमराहच्या टी-20 संघातील पुनरागमनाचे कौतुक केले आहे. तथापि, बुमराह सर्व सामने खेळेल असे वाटत नसल्याचे डिव्हिलियर्सने म्हटले आहे. गेल्या वर्षी दक्षिण आफ्रिकेविरुद्धच्या टी-20 विश्वचषक अंतिम सामन्यात निर्णायक षटके टाकणाऱ्या बुमराहने पुन्हा एकदा टी-20 संघासाठी दमदार कामगिरी करण्याची तयारी केली आहे.

एबी डिव्हिलियर्स बुमराहबद्दल काय म्हणाला?

अलीकडेच त्याने इंग्लंडविरुद्धच्या कसोटी मालिकेतही प्रभावी प्रदर्शन केले होते. एबी डिव्हिलियर्सने त्याच्या यूट्यूब चॅनलवर सांगितले, “बुमराहला पुन्हा तंदुरुस्त आणि सज्ज पाहणे खूप छान आहे.” त्यानी भारतीय निवड समितीने बुमराहच्या कार्यभाराचे व्यवस्थापन करण्याच्या पद्धतीचेही कौतुक केले. बुमराहने इंग्लंडविरुद्धच्या पाच कसोटी सामन्यांच्या मालिकेतील दोन सामने खेळले नव्हते.

मला वाटत नाही की तो सर्व सामने खेळेल –

डिव्हिलियर्स म्हणाला, “मला वाटत नाही की तो सर्व सामने खेळेल. मी काही अहवाल पाहिले की त्याला महत्त्वाच्या सामन्यांसाठी निवडले जाईल आणि मला निवड समितीचा हा दृष्टिकोन खूप आवडला. तुम्ही तुमच्या वरिष्ठ आणि प्रभावशाली खेळाडूंचे व्यवस्थापन अशा प्रकारे करायला हवे. काही निवड समित्या हे समजतात, तर काही नाहीत. जेव्हा तुम्ही अशा खेळाडूंचे व्यवस्थापन सुरू करता, तेव्हा तुम्हाला त्यांचे सर्वोत्तम प्रदर्शन पाहायला मिळते. मला आनंद आहे की त्यांनी जसप्रीत बुमराहसोबत हे सुरू केले आहे.”

हेही वाचा – Duleep Trophy 2025 : साउथ झोनचा बीसीसीआयला विरोध; दुलीप ट्रॉफीमधून कसोटी खेळाडूंना वगळले!

जसप्रीत बुमराहची कामगीरी –

जसप्रीत बुमराह भारतासाठी सर्वाधिक विकेट्स घेणाऱ्या गोलंदाजांमध्ये पाचव्या क्रमांकावर आहे. त्याने 70 सामन्यांमध्ये 89 विकेट्स घेतल्या आहेत. आयपीएलमध्येही त्याने प्रभावी कामगिरी केली असून, 12 सामन्यांमध्ये 18 विकेट्स घेतल्या आहेत. 2024-25 च्या बॉर्डर-गावस्कर ट्रॉफी दरम्यान बुमराहला दुखापत झाली होती.

हेही वाचा – पीयूष चावलासह १३ भारतीय खेळाडूंनी SA20 Auction साठी केली नाव नोंदणी, पाहा संपूर्ण यादी

बुमराह गेल्या वर्षीच्या टी-20 विश्वचषकानंतर संघात पुनरागमन करत आहे. कार्यभार व्यवस्थापन (दुखापती आणि थकवा टाळण्यासाठी) अंतर्गत त्याने इंग्लंड दौऱ्यावर पाचपैकी फक्त तीन कसोटी सामने खेळले होते. निवड समितीचे अध्यक्ष अजित आगरकर यांनी सांगितले की, बुमराहच्या कार्यभार व्यवस्थापनासाठी कोणतेही विशेष नियम तयार करण्यात आलेले नाहीत.