Aakash Chopra Warning To Sanju Samson After Cheap Dismissal Against Afghanistan 1st T20 : भारत आणि अफगाणिस्तान यांच्यातील तीन सामन्यांच्या टी-२० मालिकेतील पहिल्या सामन्यात भारताने ७ गडी राखून दणदणीत विजय मिळवला. दिल्लीच्या अरुण जेटली स्टेडियमवर १५७ धावांचे लक्ष्य भारताने अवघ्या १३.४ षटकांत ३ गड्यांच्या मोबदल्यात पूर्ण करत मालिकेत १-० अशी आघाडी घेतली. अभिषेक शर्माने ३२ चेंडूंत ७ चौकार आणि ७ षटकारांसह ८२ धावांची तुफानी खेळी साकारली. मात्र, संघात पुनरागमन करणारा सलामीवीर संजू सॅमसन पुन्हा एकदा अपयशी ठरला असून, तो ८ चेंडूंत केवळ १० धावा करून माघारी परतला. यावर आता आकाश चोप्राने मोठं वक्तव्य केलं आहे.

‘आता प्रत्येक डावाचा हिशोब होईल’; संजूवर आकाश चोप्राचे परखड भाष्य!

संजू सॅमसनच्या या स्वस्तात बाद होण्यावर भारताचे माजी क्रिकेटपटू आणि समालोचक आकाश चोप्रा यांनी संजूवर निर्माण झालेल्या प्रचंड दबावावर भाष्य केले आहे. आपल्या यूट्यूब चॅनेलवर बोलताना चोप्रा म्हणाले, “माझे संपूर्ण लक्ष संजू सॅमसनवर होते. तुम्ही विश्वचषक जिंकता, पण दोन सामन्यांतील अपयशानंतर तुम्हाला संघातून वगळले जाते. आता पुन्हा संजू लवकर बाद झाला आहे. एक डाव वाया गेला असून आता त्याच्या प्रत्येक खेळीचा हिशोब ठेवला जाईल; कारण ड्रेसिंग रूममध्ये जो फलंदाज संधीची वाट पाहतोय त्याचे नाव वैभव सूर्यवंशी आहे.”

वैभव बाहेर बसल्याने प्रचंड दडपण; एका चुकीने गमावू शकतो जागा!

🚨 AAKASH CHOPRA MASSIVE STATEMENT ON SANJU SAMSON & VAIBHAV SURYAVANSHI 🚨

Aakash Chopra said: “I was focusing on only one guy, and that was Sanju Samson, because, thus far, we have been saying that a slight injustice has been done to him. You win the World Cup, and then you…

— Cricket Central (@CricketCentrl) September 14, 2026

आयपीएल २०२६ आणि झिम्बाब्वे दौऱ्यात वादळी कामगिरी करणाऱ्या १५ वर्षीय वैभव सूर्यवंशीला विश्रांती देऊन संजूला प्लेइंग इलेव्हनमध्ये संधी देण्यात आली होती. आकाश चोप्रा यांनी स्पष्ट केले की, “मी संजूला संधी देण्याच्या बाजूने होतो; मात्र जोपर्यंत वैभवसारखा फॉर्मात असलेला खेळाडू बेंचवर बसला आहे, तोपर्यंत संजूवर धावा काढण्याचे मानसिक दडपण कायम राहील. वैभवची उपस्थिती संजूसाठी अस्तित्वाची लढाई ठरत आहे.”

हेही वाचा – Vaibhav Sooryavanshi Value : अवघ्या १५ व्या वर्षी वैभव सूर्यवंशीची दिवसाला कमावतो तब्बल ‘इतके’ कोटी; ब्रँड व्हॅल्यूमध्ये सचिन तेंडुलकरला देतोय टक्कर

शिवम दुबेच्या गोलंदाजीवर आक्षेप; सलग दोन सामने दिल्लीतच रंगणार!

या विश्लेषणात आकाश चोप्रा यांनी भारताच्या पाचव्या गोलंदाजाच्या पर्यायावरही प्रश्न उपस्थित केले. अखेरच्या षटकांत शिवम दुबेला गोलंदाजी देण्याच्या कर्णधार श्रेयस अय्यरच्या निर्णयावर त्यांनी नाराजी व्यक्त केली. दरम्यान, मालिकेतील दुसरा टी-२० सामना १५ सप्टेंबर रोजी तर तिसरा सामना १७ सप्टेंबर रोजी दिल्लीच्याच मैदानावर खेळवला जाणार आहे. संजू सॅमसन पुढील सामन्यात आपली जागा टिकवून ठेवणार की वैभव सूर्यवंशीचे पुनरागमन होणार, याकडे सर्वांचे लक्ष लागले आहे.