Aaditya Thackeray : दुष्काळी परिस्थितीची पाहणी करण्यासाठी शिवसेना (उद्धव बाळासाहेब ठाकरे) पक्षाचे युवानेते आदित्य ठाकरे यांनी बुधवार (दि. ४) रोजी दुपारी कुकाणा (ता. नेवासा) येथे भेट दिली. यावेळी त्यांनी राज्य आणि केंद्र सरकारवर जोरदार टीका करत शेतकऱ्यांना दिल्या जाणाऱ्या मदतीच्या प्रक्रियेवर प्रश्नचिन्ह उपस्थित केले. (Aaditya Thackeray)

या दौऱ्यात माजी खासदार चंद्रकांत खैरे आणि युवानेते उदयन गडाख उपस्थित होते. शिवसेनेचे जिल्हाप्रमुख रामदास गोल्हार यांच्या मार्गदर्शनाखाली या कार्यक्रमाचे नियोजन करण्यात आले होते. (Aaditya Thackeray)

मदतीच्या अटी-शर्तींवरून सरकारला सवाल

माध्यमांशी बोलताना आदित्य ठाकरे म्हणाले की, शेतकऱ्यांना सरकारकडून नेमकी किती मदत मिळणार, किती ठिकाणी पंचनामे झाले आणि मदतीचे गणित काय आहे, याबाबत स्पष्टता असणे आवश्यक आहे. (Aaditya Thackeray)

सरकारकडून तुटपुंजी मदत जाहीर केली जात असली, तरी त्यावर अनेक अटी-शर्ती लादण्यात आल्या आहेत. त्यामुळे प्रत्यक्षात ही मदत शेतकऱ्यांपर्यंत कशी पोहोचणार, असा सवाल त्यांनी उपस्थित केला. (Aaditya Thackeray)

“शेतकऱ्यांना मदत करायला सरकारकडे पैसा नाही का?”

सरकारच्या आर्थिक प्राधान्यक्रमांवर टीका करताना ठाकरे म्हणाले, “आमदार-खासदार विकत घ्यायला पैसा आहे, मात्र शेतकऱ्यांना मदत करायला नाही.” सरकारने जाहीर केलेली पाच रुपयांची मदत तात्पुरत्या स्वरूपाची असल्याचे सांगत त्यांनी शेतकऱ्यांना दिवाळीपूर्वी प्रत्यक्ष मदत मिळणार का, असा प्रश्नही उपस्थित केला. (Aaditya Thackeray)

शेतकऱ्यांच्या अडचणी दूर करण्यासाठी केवळ घोषणा न करता मदत प्रत्यक्ष त्यांच्या हातात पोहोचली पाहिजे, अशी भूमिका आदित्य ठाकरे यांनी यावेळी मांडली. (Aaditya Thackeray)

Aaditya Thackeray : समुद्रातील तरंगत्या होर्डिंग्जला आदित्य ठाकरेंचा विरोध; मुख्यमंत्र्यांकडे केली ‘ही’ मागणी

Aaditya Thackeray : देशात अघोषित आणीबाणी सुरू.!  आदित्य ठाकरेंचा केंद्र सरकारवर हल्लाबोल