Aadhar Card । Aadhar Card After Death: आजकाल आधार कार्ड हे सर्वात महत्वाचे कागदपत्रांपैकी एक आहे. तुम्हाला बँक खाते उघडायचे असेल किंवा महाविद्यालयात प्रवेश घ्यायचा असेल. आधार कार्ड हे ओळखपत्र म्हणून वापरले जाते.

ओळखपत्रासोबतच आधार कार्ड हे देशातील सर्व नागरिकांसाठी एक महत्त्वाचे दस्तऐवज आहे आणि जेव्हा या महत्त्वाच्या आधार कार्डचा गैरवापर होतो तेव्हा त्यामुळे मोठी समस्या निर्माण होते.

पण जर एखाद्या व्यतीचा मृत्यू झाला तर त्या आधार कार्डचे काय होते? किंवा ते आधार कार्ड बंद कसे केले जाते याबद्दल तुम्हाला माहिती आहे का? जर नसेल माहिती तर, आज आम्ही तुम्हाला याबद्दल काही गोष्टी सांगणार आहोत.

ज्यामुळे तुमच्या जवळील एकाद्या व्यक्तीचा मृत्यू झाला तर तुम्ही त्या आधार कार्डचा चुकीच्या पद्धतीने वापर होण्यास रोखू शकता किंवा ते कार्ड बंद देखील करू शकता. आणि तुमचा आधार सुरक्षित राहील.

आधार कार्डचा गैरवापर होण्यापासून टाळा :

‘लॉक’ या शब्दातूनच कळते की, आधार कार्ड लॉक केल्यानंतर त्याचा वापर करता येणार नाही. लॉक केलेले आधार कार्ड वापरण्यासाठी आधी ते अनलॉक करावे लागेल. तुमच्या कुटुंबातील एखाद्याचा मृत्यू झाल्यास, तुम्ही त्याचा/तिच्या आधार कार्डचा गैरवापर होऊ नये म्हणून लॉक करू शकता.

‘UIDAI’ ने आधार कार्ड लॉक करण्याची सुविधा उपलब्ध करून दिली आहे, फार कमी लोकांना याची माहिती आहे. आता घर बसल्या आधार कार्ड कसे लॉक करायचे ते आज आम्ही तुम्हाला सांगणार आहोत.

मोबाईलवरून तुमचे आधार कार्ड कसे लॉक करावे?

– सर्व प्रथम UIDAI वेबसाइट https://uidai.gov.in वर जा.

– आता ‘My Aadhaar’ च्या टॅबवर क्लिक करा.

– आता आधार सेवा विभागातून ‘आधार लॉक/अनलॉक’ वर क्लिक करा.

– आता ‘लॉक यूआयडी’ या पर्यायावर क्लिक करा.

– आता तुमचा आधार क्रमांक, नाव आणि पिन कोड टाका.

– यानंतर ‘सेंड ओटीपी’ वर क्लिक करा.

– आता OTP टाका, यानंतर तुमचे आधार कार्ड लॉक होईल.

एसएमएसद्वारे आधार लॉक कसा करायचा?

– आधार कार्डशी लिंक केलेल्या तुमच्या मोबाईल नंबरवरून तुम्हाला 1947 वर मेसेज पाठवावा लागेल.

– नोंदणीकृत मोबाइल क्रमांकावरून, GETOTP आणि आधार क्रमांकाचे शेवटचे 4 अंक लिहा आणि 1947 वर पाठवा.

– जर तुमचा आधार क्रमांक 123456789012 असेल तर तुम्हाला GETOTP 9012 लिहून संदेश पाठवावा लागेल.

– OTP प्राप्त केल्यानंतर, LOCKUID OTP सोबत आधारचे शेवटचे 4 अंक लिहून संदेश पाठवा.

– तुमचा आधार क्रमांक 123456789012 आणि OTP क्रमांक 123456 असेल तर तुम्हाला LOCKUID 9012 123456 पाठवावा लागेल.
यानंतर तुमचे आधार कार्ड लॉक होईल. आपला आधार चुकीच्या हातात जाण्यापासून वाचवण्यासाठी प्रत्येकाने या सुविधेचा वापर करावा.