पुणेः शुक्रवारी सकाळी सात वाजण्याच्या सुमारास कोंढणपूर ते अवसरवाडी येथे पीएपीएमएल बस कोंढणपूर येथून निघाली असताना काही अंतरावर गेल्यावर गाईंच्या कळपातील काही गायींना बसने धडली दिली. या धडकेत बसने तीन ते चार गाई चिरडल्याची घटना घडली आहे. या अपघातात काही गाई जखमी झाल्याची माहिती मिळत आहे.

मिळालेल्या माहितीनुसार, कोंढणपूर रस्त्यावरील सागराची ताल येथे पीर जातीची गाईंचा कळप चरण्यासाठी रानात निघाला होता. या कळपाच्या मागे गायींचे मालक चालले होते. त्या क्षणी समोरून येणारी भरधाव बस गाईंच्या कळपात शिरली. या कळपातील काही गाईंना बसने चिरडले. तर काही गाई जखमी झाल्या आहेत.

अपघातात दोन गाईंचा दुर्देवी मृत्यू झाला असून काही गाई गंभीर जखमी झाल्या आहेत. या घटनेची माहिती मिळताच राजगड पोलीस ठाण्याचे नवनाथ राठोड घटनास्थळी दाखल झाले असून त्यांच्याकडून तपासणी केली जात आहे. तसेच पीएपीएमएल प्रशासन देखील येथे येणार असल्याची माहिती मिळत आहे.