Prerna Sethia : ‘मुळशी पॅटर्न’ चित्रपटातून घराघरात पोहोचलेला मराठी अभिनेता ओम भूतकरने चाहत्यांना सुखद धक्का दिला. नुकताच तो विवाहबंधनात अडकला आहे. त्याच्या लग्नाचे फोटो सोशल मीडियावर व्हायरल होत असून चाहत्यांमध्ये आनंदासोबतच त्याची पत्नी कोण आहे, काय करते? याविषयी उत्सुकता निर्माण झाली होती.

अखेर ओमची मैत्रीण अभिनेत्री पर्ण पेठे हिने सोशल मीडियावरील शुभेच्छांमधून ओमच्या पत्नीच्या नावाचा खुलासा केला आहे. लग्नाच्या फोटोंमध्ये ओम पारंपरिक मराठमोळ्या वेशात दिसत असून त्याने पांढरा कुर्ता आणि डोक्यावर फेटा परिधान केला आहे.

तर त्याची पत्नी गुलाबी रंगाच्या गुजराती पद्धतीने नेसलेल्या साडीत, लाल चुडा आणि पारंपरिक दागिन्यांमध्ये आकर्षक दिसत आहे. तिच्या पेहरावामुळे ती गुजराती असावी, अशी चर्चा सोशल मीडियावर रंगली होती.

हेही वाचा :  Pune : पालखी आगमनापूर्वी बुधवार चौकात ६१ वर्षीय ज्येष्ठ नागरिकाचा मृत्यू

या सर्व चर्चांवर पडदा टाकत पर्ण पेठेने ओमच्या पत्नीचं नाव प्रेरणा सेठिया असल्याचं स्पष्ट केलं. प्रेरणा सेठिया नेमकं काय करते, याबाबतही चाहत्यांमध्ये उत्सुकता होती. तिच्या इन्स्टाग्राम प्रोफाइलनुसार ती वन्यजीव संवर्धन (Wildlife Conservation) क्षेत्रात कार्यरत आहे. ती Freeland Global या संस्थेशी संलग्न असून वन्यजीव संरक्षण आणि पर्यावरण संवर्धनासाठी काम करते.

 

View this post on Instagram

 

A post shared by parna 🌿 (@parnapeace)

दरम्यान, ओम भूतकरने आपल्या दमदार अभिनयाच्या जोरावर मराठी चित्रपटसृष्टीत वेगळी ओळख निर्माण केली आहे. ‘मुळशी पॅटर्न’मधील त्याच्या भूमिकेचं विशेष कौतुक झालं होतं. त्यानंतर त्याने अनेक चित्रपटांमधून आपल्या अभिनयाची छाप प्रेक्षकांवर पाडली.

गेल्या काही दिवसांपूर्वीच त्याचा ‘तुंबाडची मंजुळा’ हा चित्रपटही प्रेक्षकांच्या भेटीला आला. या चित्रपटाला चांगला प्रतिसाद देखील मिळाला असून अशातच ओमच्या लग्नाची बातमी समोर आल्याने चाहत्यांनी आश्चर्य व्यक्त केले आहे. त्याने विवाहाचा गाजावाजा न करता साध्या पद्धतीने विवाह केला.

हेही वाचा : ‘Thaimaman Gold Ring’: सरकारची अनोखी योजना! मुलाच्या जन्माबरोबर मिळणार सोन्याची अंगठी, तारीखही ठरली