Nagraj Manjule : सध्या नागराज मंजुळे ‘खाशाबा’ आणि ‘फ्रेम’ या दोन चित्रपटांमुळे चर्चेत आहेत. १० जुलै रोजी फ्रेम हा चित्रपट झी फ्राइव्ह ओटीटीवर रिलीज केला होत आहे, तर खाशाबा चित्रपटगृहात रिलीज केला जाणार आहे.  (Nagraj Manjule )

खरंतर नागराज यांचा चित्रपट येणार म्हटल्यावर प्रेक्षकांना मोठी उत्सुकता असते. २०१६ मध्ये रिलीज झालेल्या ‘सैराट’ने नागराज मंजुळे यांना प्रसिद्धी मिळवून दिली.

या चित्रपटातील सर्वच कलाकार रातोरात स्टार झाले. तसे नागराज मंजुळे हे नाव घराघरात पोहचलं. सैराटचा दुसरा भाग तयार केला जात असल्याची चर्चा सतत होत असते. आता पुन्हा एकदा ही चर्चा सुरू झाली आहे. कारण एका मुलाखतीत स्वतः नागराज मुंजळे यांनी सैराट पार्ट २ विषयी एक मोठी हिंट दिली आहे.  (Nagraj Manjule )

 

हेही वाचा : Netflix Free Trial: नेटफ्लिक्सचा 30 दिवसांचा फ्री ट्रायल परत आला? काही नव्या यूजर्सना मिळत आहे खास ऑफर, जाणून घ्या संपूर्ण माहिती

फ्रेम चित्रपटाच्या प्रमोशन निमित्त एका मुलाखतीत नागराज मंजुळे यांनी आपल्या आगामी प्रोजेक्टबद्दल सांगितलं. यावेळी त्यांना ‘सैराट’चा दुसरा पार्ट प्रेक्षकांच्या भेटीस येणार का? असा प्रश्न विचारण्यात आला. यावर नागराज मंजुळे म्हणाले “‘धडक’नंतर ‘सैराट’ या सिनेमाचाही सिक्वेल आला पाहिजे, असं काही नाही. पण, जर चांगली स्टोरी असेल तर, ‘सैराट 2′ येईल’, असं नागराज मंजुळे मुलाखतीत म्हणाले.  (Nagraj Manjule )

पुढं बोलताना त्यांनी सांगितलं की, “मी वास्तव दाखवणारी गोष्ट दाखवली. खरंतर या सिनेमाकडे कधीच एक आव्हान म्हणून पाहिलेलं नाही. या सिनेमातून जे मला प्रेक्षकांपर्यंत पोहचवण्याचा प्रयत्न करायचा होता, ते मी केलं.” आज अनेक जण ‘फँड्री’ या चित्रपटाच्या सिक्वेलबाबतीत विचारतात. पण सध्या यावर कोणताही विचार केलेला नाही’, असंही नागराज मंजुळेंनी स्पष्ट केलं.

हेही वाचा : Ram Mandir Donation Case: राम मंदिर देणगी प्रकरण ! स्वतंत्र चौकशीची मागणी करणाऱ्या याचिकांवर सर्वोच्च न्यायालय सुनावणी घेणार