‘Thaimaman Gold Ring’: तामिळनाडूचे मुख्यमंत्री जोसेफ विजय (Vijay )यांनी शुक्रवारी करूरमधील चेंगराचेंगरीत प्राण गमावलेल्यांच्या कुटुंबीयांची भेट घेतली. या दौऱ्यादरम्यान, मुख्यमंत्री विजय यांनी बहुप्रतिक्षित ‘थैमामन गोल्ड रिंग’ योजनेच्या शुभारंभाची तारीखही अधिकृतपणे जाहीर केली.

मुख्यमंत्री विजय यांनी, ‘थैमामन गोल्ड रिंग’ योजना अण्णा (सी.एन. अण्णादुराई) यांच्या जयंतीनिमित्त १५ सप्टेंबर २०२६ रोजी सुरू केली जाणार असल्याचे सांगितले.

टीव्हीके प्रमुख विजय शुक्रवारी करूरमध्ये दाखल झाल्याचे लक्षात आल्यावर, त्यांनी गेल्या वर्षी २७ सप्टेंबर रोजी करूरमध्ये झालेल्या टीडीपीच्या निवडणूक रॅलीदरम्यान झालेल्या चेंगराचेंगरीत प्राण गमावलेल्या ४१ जणांच्या कुटुंबीयांची भेट घेऊन त्यांचे सांत्वन केले.  (Thaimaman Gold Ring)

यानंतर, अॅटलस एरिना येथे आयोजित एका समारंभात, मुख्यमंत्र्यांनी मृतांच्या ३२ कुटुंबीयांना त्यांच्या शैक्षणिक पात्रतेनुसार शासकीय नोकरीची नियुक्तीपत्रे सुपूर्द केली. तत्पूर्वी, तिरुचिरापल्ली (त्रिची) विमानतळावरून करूर याठिकाणी आगमन झाल्यावर मुख्यमंत्र्यांचे पक्षाचे कार्यकर्ते आणि स्वयंसेवकांनी भव्य स्वागत केले.

‘थैमामन गोल्ड रिंग’ योजना ‘ (Thaimaman Gold Ring)

या कार्यक्रमाला संबोधित करताना मुख्यमंत्री विजय म्हणाले, “तामिळनाडू सरकारच्या प्रमुख योजनांपैकी एक असलेली ‘थैमामन गोल्ड रिंग’ योजना, अण्णा (सी.एन. अण्णादुराई) यांच्या जयंतीनिमित्त १५ सप्टेंबर २०२६ रोजी सुरू केली जाईल. ही कुठल्यातरी ‘वाईट माणसाची’ ‘पडद्यावरील’ थैमामन योजना नसून, खरी थैमामन योजना आहे.”

त्यांनी सांगितले की, तामिळनाडूतील सरकारी रुग्णालयांमध्ये २२ जून २०२६ रोजी किंवा त्यानंतर जन्मलेल्या मुलांना या योजनेचा लाभ मिळेल. या योजनेअंतर्गत, तामिळनाडूतील सरकारी रुग्णालयात प्रसूती होणाऱ्या प्रत्येक आईला राज्य सरकारकडून एक ग्रॅम सोन्याची अंगठी मिळेल.

आईबद्दल आदर व्यक्त करण्यासाठी आणि ‘थैमामन सीर’ (मामाकडून दिली जाणारी भेट) या पारंपरिक प्रथेनुसार नवजात बालकाचे स्वागत करण्यासाठी हा सन्मान दिला जाईल.

मुख्यमंत्री म्हणाले की, माता आणि बाल कल्याण सुधारण्यासाठी राज्य सरकार या महत्त्वाकांक्षी योजनेवर दरवर्षी ७५५.८३ कोटी रुपये खर्च करेल. सरकारचे म्हणणे आहे की, सरकारी आरोग्य सेवांवरील लोकांचा विश्वास अधिक दृढ करण्यासाठी ‘वेत्री तामिळनाडू’ या दूरदृष्टी कार्यक्रमांतर्गत ही योजना एक महत्त्वाचा उपक्रम असेल.

“ती  दुर्घटना  माझ्या हृदयातील एक जखम ”   (‘Thaimaman Gold Ring)

तामिळनाडूचे मुख्यमंत्री जोसेफ विजय यांनी शुक्रवारी करूर येथे घोषणा केली की, गेल्या सप्टेंबरमध्ये त्यांच्या सभेत झालेल्या चेंगराचेंगरीत प्राण गमावलेल्यांच्या स्मरणार्थ राज्य सरकार एक स्मारक उभारणार आहे. २७ सप्टेंबर रोजी करूर येथे झालेल्या चेंगराचेंगरीत ४१ जणांचा बळी गेला होता.