Maharashtra Politics : राज्यात काँग्रेसला मोठा धक्का? ‘हा’ बडा नेता भाजपात प्रवेश करणार?
Maharashtra Politics : काँग्रेसचे प्रदेशाध्यक्ष हर्षवर्धन सपकाळ यांच्या गृहजिल्ह्यात म्हणजेच बुलढाण्यामध्ये काँग्रेसला मोठा राजकीय धक्का बसण्याची शक्यता वर्तवली जात आहे.
Maharashtra Politics : काँग्रेस प्रदेशाध्यक्ष हर्षवर्धन सपकाळ यांच्या बुलढाणा जिल्ह्यातच काँग्रेसला मोठा राजकीय धक्का बसण्याची शक्यता निर्माण झाली आहे. चिखली विधानसभा मतदारसंघाचे काँग्रेसचे माजी आमदार राहुल बोंद्रे हे भाजपच्या वाटेवर असल्याची चर्चा सध्या राजकीय वर्तुळात रंगली आहे. (Maharashtra Politics)
राहुल बोंद्रे लवकरच काँग्रेसला सोडचिठ्ठी देऊन भाजपमध्ये प्रवेश करणार असल्याची जोरदार चर्चा असून, या संभाव्य पक्षांतरामुळे बुलढाणा जिल्ह्यातील काँग्रेसच्या राजकारणात मोठी उलथापालथ होण्याची शक्यता व्यक्त केली जात आहे. विशेष म्हणजे काँग्रेस प्रदेशाध्यक्ष हर्षवर्धन सपकाळ यांच्याच जिल्ह्यातील बड्या नेत्याच्या पक्षांतराची चर्चा सुरू झाल्याने या घडामोडीला अधिक महत्त्व प्राप्त झाले आहे. (Maharashtra Politics)
कार्यकर्त्यांची बैठक घेतल्याने चर्चांना उधाण
राहुल बोंद्रे यांनी चिखली विधानसभा मतदारसंघातील काही प्रमुख आणि विश्वासार्ह कार्यकर्त्यांची बैठक घेतल्याची माहिती समोर आली आहे. या बैठकीत त्यांच्या आगामी राजकीय वाटचालीबाबत चर्चा झाल्याचे सांगितले जात आहे. त्यामुळे बोंद्रे यांच्या भाजप प्रवेशाच्या चर्चांना आणखी बळ मिळाले आहे. (Maharashtra Politics)
राहुल बोंद्रे हे चिखली मतदारसंघातील काँग्रेसचे प्रमुख नेते म्हणून ओळखले जातात. त्यामुळे त्यांनी भाजपमध्ये प्रवेश केल्यास चिखलीसह संपूर्ण बुलढाणा जिल्ह्यात काँग्रेसला मोठा राजकीय धक्का बसू शकतो. (Maharashtra Politics)
मुकुल वासनिकांच्या भेटीनेही वाढला संभ्रम
दरम्यान, राहुल बोंद्रे यांनी दोन दिवसांपूर्वी काँग्रेसचे ज्येष्ठ नेते मुकुल वासनिक यांची भेट घेतल्याची माहितीही समोर आली आहे. एकीकडे काँग्रेसच्या वरिष्ठ नेत्याची भेट आणि दुसरीकडे मतदारसंघातील प्रमुख कार्यकर्त्यांची बैठक, या दोन्ही घडामोडींमुळे बोंद्रे नेमकी कोणती भूमिका घेणार, याकडे राजकीय वर्तुळाचे लक्ष लागले आहे. (Maharashtra Politics)
फडणवीसांच्या उपस्थितीत भाजप प्रवेश?
सूत्रांच्या माहितीनुसार, मुख्यमंत्री देवेंद्र फडणवीस यांच्या उपस्थितीत राहुल बोंद्रे यांचा भाजपमध्ये प्रवेश होण्याची शक्यता आहे. मात्र, त्यांच्या भाजप प्रवेशाबाबत अद्याप कोणतीही अधिकृत घोषणा झालेली नाही. त्यामुळे सध्या बोंद्रे यांच्या संभाव्य पक्षांतराची चर्चा राजकीय वर्तुळातच आहे. (Maharashtra Politics)
दरम्यान, महाराष्ट्राच्या राजकारणात पक्षांतराचे सत्र सुरू असतानाच बुलढाण्यातील या संभाव्य घडामोडीमुळे काँग्रेससमोरील आव्हाने वाढण्याची शक्यता आहे. राज्यभर पक्षसंघटना मजबूत करण्यासाठी काँग्रेस प्रदेशाध्यक्ष हर्षवर्धन सपकाळ प्रयत्न करत असताना त्यांच्या गृहजिल्ह्यातीलच प्रमुख नेत्याच्या पक्षांतराची चर्चा सुरू झाल्याने या घडामोडीकडे सर्वांचे लक्ष लागले आहे. (Maharashtra Politics)
