Election Results : सातारा, सांगली आणि अहमदनगर(अहिल्यानगर) या तीन ठिकाणी झालेल्या जिल्हा मध्यवर्ती सहकारी बँकेच्या निवडणुकीचा निकाल आज मंगळवार ३ नोव्हेंबर रोजी जाहीर होत आहे. सकाळी आठ वाजल्यापासून मतमोजणीला सुरुवात झाली असून, सातारा जिल्हा बँकेच्या निकालात पाटण सोसायटीतून शिवसेनेच्या शंभुराज देसाई यांच्या गटाने विजय मिळवला आहे. तर निवडणुकीत प्रतिष्ठेच्या झालेल्या लढतीत जयकुमार गोरे यांनीही बाजी मारली. माण सोसायटी गटातून जयकुमार गोरे यांनी त्यांचे बंधू शेखर गोरे यांचा पराभव केला.

दुसरीकडे सांगली जिल्हा बँकेच्या निवडणुकीत एका विजयाची सर्वाधिक चर्चा रंगली आहे. या निवडणुकीत माजी खासदार संजयकाका पाटील आणि राष्ट्रवादी काँग्रेसच्या प्रदेश उपाध्यक्षा व माजी आमदार सुमनताई पाटील यांच्यात थेट लढत झाली. या लढतीत संजयकाका पाटलांना विजयाचा गुलाल उधळला आहे. एकूण २१ जागांपैकी १५ जागा बिनविरोध झाल्या होत्या, त्यामुळे उर्वरित सहा जागांसाठी मतदान प्रक्रिया राबविण्यात आली होती. तासगाव सोसायटी गटातून अवघ्या एक मताच्या फरकाने माजी खासदार संजय काका पाटील यांना मैदान मारले आहे.

संजयकाका पाटील यांना ४० मतं मिळाली तर सुमनताई पाटील तर ३८ मतं मिळाली. त्यामुळे अवघ्या एका मताच्या फरकाने संजयकाका पाटील विजयी झाले आहेत. त्यांनी जिल्हा बँकेवरील आपली पकड कायम ठेवली आहे. या विजयामुळे संजयकाका पाटील यांच्या समर्थकांमध्ये मोठा उत्साह असून, सांगली जिल्ह्यात जल्लोषाचे वातावरण आहे. दुसरीकडे सुमनताई पाटील आणि रोहित पाटील यांच्यासाठी हा एक मोठा धक्का मानला जात आहे.

आमदार गोपीचंद पडळकरांचा दणदणीत विजय

भाजप नेते आणि आमदार गोपीचंद पडळकर यांनी या निवडणुकीत दणदणीत विजय मिळवला आहे. जत सोसायटी गटातून निवडणूक लढवलेल्या पडळकर यांना ५४ मते मिळाली, तर त्यांचे प्रतिस्पर्धी महाविकास आघाडीचे उमेदवार विनोद पवार यांना ३४ मते मिळाली.

Shambhuraj Desai: शंभूराज देसाईंनी मैदान मारलं! सातारा जिल्हा बँकेच्या निवडणुकीत शिंदेंच्या शिवसेनेची बाजी