पुणे – उन्हाळ्यात अनेकांना मोसंबीचा ज्यूस पिणे आवडते. हा ज्युस प्यायला चविष्ट तर असतोच पण तो आरोग्यासाठी अनेक फायदेही देतो. मोसंबी ज्यूसच्या कूलिंग इफेक्टमुळे शरीराला थंडावा देण्यासोबतच शरीराला दिवसभर हायड्रेट आणि फ्रेश राहण्यासही मदत होते.
या फळामध्ये व्हिटॅमिन सी, पोटॅशियम, जस्त, कॅल्शियम, फायबर, तांबे आणि लोह हे मुबलक प्रमाणात आढळतात. जे शरीराला मजबूत ठेवण्यास मदत करतात. चला तर मग जाणून घेऊया उन्हाळ्यात मोसंबीच्या ज्यूसचे आरोग्यासाठी आणखी होणारे फायदे
वजन कमी होणे…
जर तुम्हाला नैसर्गिक पद्धतींचा अवलंब करून तुमचे वजन कमी करायचे असेल, तर मोसंबीचा ज्यूस तुम्हाला मदत करू शकतो. सकाळी पाणी आणि मध मिसळून मोसंबीचा ज्यूस चे सेवन केल्यास वजन कमी होण्यास मदत होते.
रोगप्रतिकारशक्ती वाढण्यास होते मदत…
मोसंबीमध्ये भरपूर प्रमाणात असलेल्या व्हिटॅमिन ‘सी’ मुळे शरीराची रोगांशी लढण्याची क्षमता वाढते आणि शरीर आतून मजबूत होते.तुम्हाला जर तुमची प्रतिकारशक्ती वाढवायची असेल तर तुम्ही सकाळी रिकाम्या पोटी एक ग्लास गोड मोसंबीचा ज्यूस पिऊ शकता.
त्वचेसाठी फायदेशीर…
मोसंबीमध्ये असणारे व्हिटॅमिन सी आणि अँटीऑक्सिडंट हे त्वचेसाठी खूप फायदेशीर असतात. या रसाचे सेवन केल्याने त्वचेवरील डाग आणि पिंपल्सची समस्या दूर होऊ शकते.
मज्जासंस्थेसाठी ठरतेय उपयुक्त…
मानसिक समस्यांवरही मोसंबी ज्युस फायदेशीर मानला जातो. जर तुम्हाला नेहमी डोकेदुखी, चक्कर येणे आणि मळमळ होण्याची समस्या होत असेल तर तुम्ही सकाळी रिकाम्या पोटी मोसंबी ज्युसचे सेवन करावे.
पचनक्रिया सुधारते…
मोसंबीमध्ये असलेले फ्लेव्होनॉइड्स पचन सुधारून अपचन आणि गॅस्ट्रिक समस्यांसारख्या पाचन समस्या दूर ठेवण्यास मदत करतात. याशिवाय, शरीरातून बद्धकोष्ठता निर्माण करणारे हानिकारक विष काढून टाकण्यास देखील मदत करते.