Omraje Nimbalkar : शिवसेना (उद्धव बाळासाहेब ठाकरे) पक्षातून सहा खासदारांनी एकनाथ शिंदे यांच्या नेतृत्वातील शिवसेनेत प्रवेश केल्यानंतर राज्याच्या राजकारणात मोठी उलथापालथ झाली. या घडामोडीनंतर नव्याने दाखल झालेल्या खासदारांपैकी काहींना केंद्रात मंत्रिपद मिळण्याची चर्चा सुरू होती. (Omraje Nimbalkar)

त्यामध्ये धाराशिवचे खासदार ओमराजे निंबाळकर आणि परभणीचे खासदार संजय जाधव यांची नावे आघाडीवर असल्याचे बोलले जात होते. मात्र आता या चर्चेला नवे वळण मिळाले आहे. (Omraje Nimbalkar)

मंत्रिपदाच्या चर्चेत श्रीरंग बारणे यांचे नाव

राजकीय वर्तुळात आता शिवसेनेचे खासदार श्रीरंग बारणे यांनाही केंद्रीय मंत्रिमंडळात स्थान मिळू शकते, अशी चर्चा सुरू झाली आहे. त्यामुळे ओमराजे निंबाळकर यांच्या संभाव्य मंत्रिपदाबाबत प्रश्नचिन्ह निर्माण झाल्याची चर्चा रंगली आहे. (Omraje Nimbalkar)

ऑपरेशन टायगरमध्ये ओमराजेंची भूमिका

ठाकरे गटातील सहा खासदारांच्या बंडामुळे पक्षातील दोन-तृतीयांश संख्येचा आकडा पूर्ण झाला आणि शिंदे गटाचे तथाकथित ‘ऑपरेशन टायगर’ यशस्वी झाल्याचे सांगितले गेले. (Omraje Nimbalkar)

मात्र पक्षप्रवेशाच्या वेळी ओमराजे निंबाळकर यांनी सुरुवातीला सावध भूमिका घेतली होती. “मी प्रथम माझ्या मतदारसंघात जाऊन कार्यकर्त्यांशी चर्चा करेन आणि त्यानंतरच अंतिम निर्णय घेईन,” असे त्यांनी म्हटले होते. अखेरीस त्यांनी शिंदे गटात प्रवेश केल्यानंतरच सहा खासदारांचा आकडा पूर्ण झाला. (Omraje Nimbalkar)

बारणे यांनी काय प्रतिक्रिया दिली?

मंत्रिपदाच्या चर्चेबाबत विचारले असता श्रीरंग बारणे म्हणाले, “केंद्रीय मंत्रिमंडळात कोणाला स्थान द्यायचे हे शिंदे साहेब ठरवतील. शिंदे साहेब कार्यकर्त्यांना न्याय देतात.” फुटलेल्या खासदारांनी भाजपमध्ये न जाता शिंदे यांच्या शिवसेनेत प्रवेश का केला. (Omraje Nimbalkar)

या प्रश्नावर त्यांनी सांगितले की, “हे सहा खासदार बाळासाहेब ठाकरे यांच्या विचारांवर काम करणारे आहेत. त्यांना पक्षप्रमुखांची भेट मिळत नव्हती आणि मतदारसंघातील विकासकामांमध्ये अडचणी येत होत्या. त्यामुळे त्यांनी शिवसेनेत प्रवेश करण्याचा निर्णय घेतला.” (Omraje Nimbalkar)

दरम्यान, केंद्रीय मंत्रिमंडळ विस्ताराबाबत किंवा कोणत्या खासदाराला मंत्रिपद मिळणार याबाबत अद्याप कोणतीही अधिकृत घोषणा झालेली नाही. त्यामुळे ओमराजे निंबाळकर किंवा श्रीरंग बारणे यांच्याबाबत सुरू असलेल्या चर्चा या सध्या केवळ राजकीय चर्चांपुरत्याच मर्यादित आहेत. अधिकृत निर्णय जाहीर झाल्यानंतरच चित्र स्पष्ट होणार आहे. (Omraje Nimbalkar)

Omraje Nimbalkar : मोठी बातमी..! ओमराजेंच्या विरोधात भावानेच थोपटले दंड? धाराशिवमध्ये मकरंदराजेंना उद्धव ठाकरे देणार ताकद?

Omraje Nimbalkar : उद्धव ठाकरे ॲक्शन मोडवर! शिवसेनेत प्रवेश करताच ओमराजेंना पहिला मोठा धक्का