Uddhav Thackeray : अॅापरेशन टायगर अंतर्गत उपमुख्यमंत्री आणि शिवसेना पक्षाचे मुख्य नेते एकनाथ शिंदे यांनी उद्धव ठाकरे यांच्या नेतृत्वाखालील शिवसेनेचे सहा खासदार फोडले. यानंतर आगामी काळात उबाठा गटाच्या आमदारांना गळाला लावण्यासाठी अॅापरेशन २ ची बरीच चर्चा झाली. आता या चर्चांना शिवसेना नेते आणि परिवहनमंत्री तसेच धाराशिव जिल्ह्याचे पालकमंत्री प्रताप सरनाईक यांनी केलेल्या खळबळजनक दाव्यामुळे पुन्हा उधाण आले आहे.

प्रताप सरनाईक यांनी थेट उबाठा गटातील एका आमदाराचे नाव घेत खळबळनक दावा केला होता. ज्यामुळे मोठ्या घडमोडींची चाहूल मिळत असल्याची जोरदार चर्चा रंगली आहे. अशातच उबाठा प्रमुख आणि माजी मुख्यमंत्री उद्धव ठाकरे यांनी सावध पवित्रा घेत  ‘मातोश्री’वर महत्वाची बैठक बोलावल्याची माहिती समोर आली आहे.

धाराशिवचे पालकमंत्री प्रताप सरनाईक यांनी ठाकरे गटाचे आमदार कैलास पाटील हे ऑपरेशन टायगरचा दुसरा भाग असतील असा खळबळजनक दावा केला होता. या दाव्यानंतर उबाठाकडून सावध पवित्रा घेण्यात आला असून आमदार कैलास पाटील यांच्यासह नगरसेवकांची तसेच धाराशिव जिल्ह्यातील पदाधिकाऱ्यांची मातोश्रीवर बैठक बोलण्यात आली आहे. या बैठकीत सध्या होत असलेल्या चर्चेवर उद्धव ठाकरे काय बोलणार हे पाहणे महत्वाचे असणार आहे.

मोठ्या बंडाची चर्चा 

खासदार ओमराजे निंबाळकर यांच्या शिवसेना प्रवेशानंतर आता ओमराजे निंबाळकर यांनी धाराशिवमधील जिल्हा परिषद पंचायत समिती निवडून आलेले सदस्य, तसेच नगरपरिषदेतील नगरसेवकांसोबतही संपर्क सुरू केला आहे. कळंबनगर परिषदेचे नगरसेवकांनी एकनाथ शिंदे आणि तानाजी सावंत यांची भेट घेतली. त्यानंतर धाराशिवच्या राजकीय वर्तुळात मोठ्या बंडाचे संकेत मिळत असल्याच्या चर्चांना उधाण आले आहे.

दरम्यान, आमदार कैलास पाटील या बैठकीसाठी मुंबईत असून या बैठकीला कोण उपस्थित राहणार, यानंतर ओमराजांसोबत किती नगरसेवक असतील आणि ठाकरेंच्या शिवसेनेसोबत कोण कायम राहणार हे चित्र स्पष्ट होईल. त्यामुळे आजच्या या बैठकीला विशेष महत्व प्राप्त झाले आहे.

Ayesha Khan: आयशा खानच्या हातात डायमंड रिंग, मिस्ट्री मॅनसोबत फोटो व्हायरल!