‘Batwara 1947’ Trailer : बॉलिवूडची लोकप्रिय अभिनेत्री प्रीती झिंटा तब्बल नऊ वर्षांनंतर पुन्हा एकदा रुपेरी पडद्यावर पुनरागमन करत आहे. तिच्या आगामी ‘बटवारा १९४७’ या सिनेमाचा अंगावर काटा आणणारा ट्रेलर प्रदर्शित झाला आहे. यामुळे आता दीर्घ विश्रांतीनंतर प्रीतीला पुन्हा मोठ्या पडद्यावर पाहण्यासाठी चाहते आतुर झाले आहेत.

१९९० आणि २००० च्या दशकात प्रीती झिंटाने आपल्या नैसर्गिक अभिनयाने आणि मोहक व्यक्तिमत्त्वाने बॉलिवूडमध्ये वेगळी ओळख निर्माण केली. ‘दिल से’, ‘सोल्जर’, ‘कल हो ना हो’, ‘कोई… मिल गया’, ‘वीर-झारा’ आणि ‘कभी अलविदा ना कहना’ यांसारख्या अनेक सुपरहिट सिनेमांमधून तिने प्रेक्षकांची मनं जिंकली. मात्र, लग्नानंतर तिने अभिनयापासून काहीसा ब्रेक घेत वैयक्तिक आयुष्याला प्राधान्य दिलं. ( ‘Batwara 1947’ Trailer)

२९ फेब्रुवारी २०१६ रोजी प्रीतीने अमेरिकन नागरिक आणि फायनान्शियल अॅनालिस्ट जीन गुडइनफ यांच्याशी लॉस एंजेलिसमध्ये विवाह केला. लग्नानंतर ती अमेरिकेत स्थायिक झाली असली तरी क्रिकेट आणि इतर व्यावसायिक कारणांमुळे तिचं भारतात नियमित येणं-जाणं सुरूच आहे. कौटुंबिक आयुष्याला वेळ दिल्यानंतर आता प्रीती पुन्हा अभिनयाकडे वळली असून, ‘बटवारा १९४७’ मधून ती दमदार पुनरागमन करत आहे.  ‘(Batwara 1947’ Trailer)

 

दिग्दर्शक राजकुमार संतोषी यांच्या दिग्दर्शनाखाली साकारलेल्या या सिनेमाचा ट्रेलर प्रदर्शित झाला असून या ट्रेलरमध्ये प्रीतीची झलक दाखवण्यात आली आहे. १९४७ च्या भारताच्या फाळणीच्या पार्श्वभूमीवर आधारित हा सिनेमा हिंसा, भीती आणि सक्तीच्या स्थलांतरामुळे उद्ध्वस्त झालेल्या एका कुटुंबाची भावनिक कहाणी मांडतो. ट्रेलरमध्ये फाळणीची शोकांतिका आणि संकटातही टिकून राहिलेली मानवी मूल्यं ठळकपणे दाखवण्यात आली आहेत. ‘(Batwara 1947’ Trailer)

या सिनेमात सनी देओल, शबाना आझमी, प्रीती झिंटा, करण देओल, अली फझल आणि अभिमन्यू सिंह यांच्या प्रमुख भूमिका आहेत. ‘बटवारा १९४७’ हा सिनेमा १४ ऑगस्ट २०२६ रोजी जगभरातील थिएटर्समध्ये प्रदर्शित होणार आहे.

Sana Saeed: शाहरुखच्या ऑनस्क्रीन लेकीचा धक्कादायक खुलासा; सहा वर्षे बुलिमियाशी केली झुंज