Zimbabwe boat – झिम्बाब्वेमध्ये एक प्रवासी बोट बुडून झालेल्या दुर्घटनेमध्ये तब्बल ७० जणांचा मृत्यू झाला आहे. देशाच्या इशान्येकडील कारिबा गावाजवळच्या लेक कारिबा येथे मंगळवारी ही दुर्घटना घडली होती.

या दुर्घटनेत १८ लहान मुलांचाही बुडून मृत्यू झाला. या घटनेनंतर आणखी २६ जणांचे मृतदेह शुक्रवारी सापडल्याने मृतांची एकूण संख्या ७२ झाली आहे, असे पोलिसांनी सांगितले.

मात्र या बोटीमध्ये किती प्रवासी होते आणि अजूनही किती जण बेपत्ता आहेत, हे अधिकाऱ्यांनी स्पष्ट केले नाही. बोट बुडालेला तलाव हा झिम्बाब्वे आणि झांबियामध्ये आहे. दोन्ही देशांच्या सीमाभागात असलेला हा तलाव मासेमारीसाठी प्रसिद्ध आहे.

मात्र, या बोटीमध्ये १५३ प्रवासी होते, असा प्राथमिक अंदाज असल्याचे झिम्बाब्वेच्या आपत्ती व्यवस्थापन एजन्सीने सांगितले. बोटीतील ७७ प्रवाशांना वाचवण्यात आल्याचे एजन्सीने म्हटले आहे.