Accident News : छत्तीसगडमधील बालोद जिल्ह्यात राष्ट्रीय महामार्ग क्रमांक ३० वर भीषण अपघात झाला. जगतरा गावाजवळ भरधाव बोलेरो आणि ट्रॅक्टर-ट्रॉलीची जोरदार धडक झाली. या दुर्घटनेत ६ जणांचा जागीच मृत्यू, तर ७ जण गंभीर जखमी झाल्याची माहिती आहे. (Accident News)

मिळालेल्या माहितीनुसार, बोलेरोमधील प्रवासी एका कार्यक्रमावरून घरी परतत होते. जगतरा गावाजवळ बोलेरोने रस्त्यावरून जाणाऱ्या ट्रॅक्टर-ट्रॉलीला मागून जोरदार धडक दिली. धडक इतकी भीषण होती की बोलेरोच्या पुढील भागाचा अक्षरशः चक्काचूर झाला. काही प्रवासी वाहनात अडकले होते. (Accident News)

अपघाताची माहिती मिळताच स्थानिक नागरिकांनी घटनास्थळी धाव घेत पोलिसांना कळवले. पुरुर पोलीस ठाण्याचे पथक घटनास्थळी दाखल झाले. पोलिसांनी स्थानिक नागरिक आणि रुग्णवाहिकेच्या मदतीने वाहनात अडकलेल्या प्रवाशांना बाहेर काढले. त्यानंतर जखमींना उपचारासाठी रुग्णालयात दाखल करण्यात आले. (Accident News)

या दुर्घटनेत ६ जणांचा मृत्यू झाल्याचे डॉक्टरांनी सांगितले असून, ७ जखमींवर उपचार सुरू आहेत. त्यापैकी काहींची प्रकृती चिंताजनक असल्याची माहिती आहे. त्यामुळे मृतांचा आकडा वाढण्याची शक्यता व्यक्त केली जात आहे. (Accident News)

दरम्यान, अपघातानंतर महामार्गावर मोठी वाहतूककोंडी झाली होती. पोलिसांकडून अपघाताचा पुढील तपास सुरू असून मृतांची ओळख पटवण्याची आणि दुर्घटनेचे नेमके कारण शोधण्याची प्रक्रिया सुरू आहे. (Accident News)

Marine Drive accident : मरीन ड्राइव्हवर काळाचा घाला! ट्रेलरला कारची जोरदार धडक, मंत्र्याच्या मुलीसह चौघांचा मृत्यू