आरोग्य मंत्रालयाने दिलेल्या माहितीनुसार, ‘राज्यात कोरोनाचे ६७ नवे रुग्ण  आढळून आले आहेत. त्यापैकी ४३ रुग्ण हे एकट्या मुंबईतील आहेत.  तर १० रुग्ण मुंबई परिसरातील आहेत. पुण्यामध्ये ९ रुग्ण तर अहमदनगरमध्ये ३ रुग्ण आढळले आहेत. त्यामुळे राज्यातील कोरोनाबाधितांचा आकडा ४९० वर पोहचला आहे. तर आतापर्यंत ५० कोरोनाबाधित या घातक विषाणूपासून  बचावले आहेत.

दरम्यान, राज्यभरात आज कोरोनामुळे ६ जणांचा मृत्यू झाला आहे. वसई-विरार, बदलापूर, जळगाव, पुणे येथील प्रत्येकी एका रुग्णाचा तर, मुंबईमधील २ रुग्णांचा उपचारा दरम्यान मृत्यू झाल्याची माहिती आरोग्य विभागाने दिली आहे. राज्यामध्ये ३८ हजार ३९८ जणांना होम क्वारंटाईन करण्यात आले असून, ३ हजार ७२ जणांना संस्थात्मक क्वारंटाईन करण्यात आले आहे.