Thane Crime – ठाणे गुन्हे शाखेच्या अंमली पदार्थ विरोधी पथकाने (एएनसी) दोन स्वतंत्र कारवायांमध्ये ५.६६ कोटी रुपये किमतीचे २.८२३ किलो मेफेड्रोन जप्त केले आणि चार जणांना अटक केली. या कारवाया १ सप्टेंबर रोजी करण्यात आल्या, असे पत्रकार परिषदेत बोलताना पोलीस उपायुक्त (गुन्हे) अमरसिंह जाधव यांनी सांगितले.

त्यांनी सांगितले की, मीरा रोड येथील रहिवासी असलेल्या मोजिम अब्दुल्ला शेख (४१) आणि तबरेज अब्दुल्ला शेख (५१) यांना गायमुख बस स्टॉपजवळ ६२३ ग्रॅम मेफेड्रोनसह ताब्यात घेण्यात आले.

त्यांच्या स्कूटरच्या डिक्कीची झडती घेतली असता आणखी १.०४८ किलो अमली पदार्थ सापडले. या जप्त केलेल्या मालाचे एकूण मूल्य ३.३४ कोटी रुपये होते.

कोपरी येथील दुसऱ्या कारवाईत, पोलिसांनी मुंबईतील गोवंडी येथील रहिवासी अब्दुल रहमान मोईद्दीन कादर शेख (३३) याला २.३० कोटी रुपये किमतीचे १.१५२ किलो मेफेड्रोन बेकायदेशीरपणे बाळगल्याप्रकरणी अटक केली.

त्यानंतर, नवी मुंबईतील सीवूड्स येथे राहणारा आफ्रिदी मोहम्मद वली शेख (२७) हा याचा मुख्य पुरवठादार असल्याचे निष्पन्न झाले.

अंमली पदार्थ आणि सायकोट्रॉपिक पदार्थ कायद्यांतर्गत गुन्हे दाखल करण्यात आले असून, या अमली पदार्थांची पुरवठा साखळी आणि ते खरेदी करणारे संभाव्य ग्राहक यांचा शोध घेण्यासाठी तपास सुरू असल्याचे जाधव यांनी सांगितले.