Narendra Modi : आज ७९ वा स्वातंत्र्यदिन देशभरात मोठ्या उत्साहात साजरा करण्यात येत आहे. देशाचे पंतप्रधान नरेंद्र मोदी यांनी दिल्लीतील लाल किल्ल्यावरून ध्वजारोहन केले. यावेळी त्यांनी देशवासीयांना संबोधित करत मोठ्या घोषणा केल्या आहेत. अशातच आता मोंदींनी एक नवा रेकॅार्ड रचत देशाच्या माजी दिवंगत पंतप्रधान इंदिरा गांधी यांच्या भाषणाचा रेकॅार्ड तोडला आहे. लाल किल्ल्यावरून तब्बल १०३ मिनिटं भाषण पंतप्रधान नरेंद्र मोदी यांनी केलं आहे. देशाचे पंतप्रधान नरेंद्र मोदी यांनी १२ व्यांदा स्वातंत्र्यदिनी लाल किल्ल्यावरून ध्वजारोहन करून भाषण केले. त्यांनी किती वेळ भाषण केले, त्याचाही रेकॉर्ड केला आहे. त्यांनी माजी पंतप्रधान इंदिरा गांधी यांचा भाषणाचा हा रेकॉर्ड मोडला आहे. इंदिरा गांधी यांनी 11 वेळा 15 ऑगस्ट रोजी देशाला संबोधित केले होते. पंतप्रधानांनी देशवासीयांसोबत संवाद साधण्यातही नवा रेकॅार्ड केला आहे. पंतप्रधान नरेंद्र मोदी यांनी लाल किल्ल्यावरून केलेल्या भाषण तब्बल १०३ मिनिटांचे आहे. यापूर्वी त्यांनी २०२४ मध्ये ९८ मिनिटांचे भाषण केले होते. यंदा त्यांनी सात मिनिट अधिक भाषण केले आहे. पाकिस्तानला इशारा खरंतर पंतप्रधान नरेंद्र मोदी यांनी आपल्या १०३ मिनिटांच्या भाषणात अनेक योजनांची घोषणा केली, तर पाकिस्तानला इशारा दिला आहे. तसेच २०४७ पर्यंत विकसित भारताचे स्वप्न पूर्ण करण्याचा निर्धारही त्यांनी व्यक्त केला आहे. पंतप्रधान नरेंद्र मोदी यांनी २०१५ मध्ये पंडित नेहरू यांनी केलेल्या ७२ मिनिटांच्या भाषणाचा रेकॅार्ड मोडत ८८ मिनिटांचं भाषण केलं होतं. तसं पाहायला गेलं तर अनेक दीर्घ स्वरुपाची भाषणही मोदींंच्या नावे आहेत. हेही वाचा : Devendra Fadnavis : स्वातंत्र्यदिनी शेतकऱ्यांसाठी सरकारचं पुढचं पाऊल! CM फडणवीसांनी बळीराजासाठी केली मोठी घोषणा
