Bangladesh – बांगलादेशात गोवर आणि रुबेलाविरोधी लसीकरणाची देशव्यापी मोहिम सुरू करण्यात आली आहे. देशभरात गोवरची साथ पसरल्यामुळे महिन्याभरात १०० मुलांचा मृत्यू झाला आहे. त्यामुळे ही लसीकरणाची मोहिम सुरू करण्यात आली आहे. बांगलादेश सरकारने जागतिक आरोग्य संघटना, संयुक्त राष्ट्राची लहान मुलांची एजन्सी आणि गावी औषध कंपनीच्या भागीदारीने ६ महिने ते ५ वर्षांपर्यंतच्या मुलांच्या लसीकरणाला सुरुवात केली आहे. Bangladesh देशभरात गोवरचा सर्वाधिक धोका असलेल्या १८ जिल्ह्यांमध्ये रविवारपासून या लसीकरणाला प्रारंभ झाला. लवकरच ही मोहिम संपूर्ण देशभरात टप्प्याटप्प्याने राबवली जाणार आहे, असे संयुक्त निवेदनात म्हटले आहे. देशभरात लसीकरणाचे अत्यल्प प्रमाण आणि अपुऱ्या आरोग्य सुविधांमुळे मुलांमध्ये गोवरची साथ पसरली असल्याचे युनिसेफने म्हटले आहे. आतापर्यंत ९०० बालकांना गोवरची लागण झाल्याचे निष्पन्न झाले आहे. तर ७,५०० बालकांना १५ मार्चपासून गोवरची लक्षणे दिसत आहेत. गोवर हा हवेतून प्रसार होणारा संसर्गजन्य रोग आहे. त्यामुळे तापाबरोबर श्वसनाला त्रास होतो आणि अंगावर पुरळ उठतात. लहान मुलांमध्ये त्वचित प्रसंगी गोवर प्राणघातक ठरू शकतो.
