Raj Thackeray : महाराष्ट्रातील भीषण दुष्काळी परिस्थिती पाहता, महाराष्ट्र नवनिर्माण सेनेचे (मनसे) अध्यक्ष राज ठाकरे (Raj Thackeray) यांनी यावर्षी मुंबईतील शिवाजी पार्कवर आयोजित केला जाणारा आपला वार्षिक दीपोत्सव रद्द करण्याचा निर्णय घेतला आहे. एका व्हिडिओ संदेशाद्वारे राज ठाकरे (Raj Thackeray) यांनी राज्यातील जनतेला दिवाळी साजरी करताना संयम पाळण्याचे आवाहन केले आहे.

ग्रामीण महाराष्ट्र भीषण दुष्काळाच्या छायेत असताना, शेतकरी आर्थिक संकटात सापडलेले असताना आणि हजारो लोक दुष्काळामुळे शहरांकडे स्थलांतर करत असताना, सण थाटामाटात साजरा करणे योग्य ठरणार नाही, असे त्यांनी (Raj Thackeray) म्हटले आहे. यावर्षी अपुऱ्या पावसामुळे महाराष्ट्र सरकारने राज्यातील ८५ टक्के भाग दुष्काळग्रस्त म्हणून घोषित केला असून, दिवाळीपूर्वी शेतकऱ्यांसाठी ५,००० रुपयांची तात्पुरती मदत जाहीर केली आहे.

परिस्थिती सुधारल्यास, पुढील वर्षी पुन्हा दीपोत्सव आयोजित केला जाईल, असेही राज ठाकरे यांनी सांगितले. मनसेच्या या दीपोत्सवाला दरवर्षी हजारो नागरिक उपस्थित असतात. मुंबईतील ऐतिहासिक शिवाजी पार्क आणि परिसर दिव्यांच्या रोषणाईने उजळून निघतो, तसेच येथे फटाक्यांची आतषबाजीही केली जाते.
या कार्यक्रमाचे उद्घाटन अनेकदा प्रतिष्ठित व्यक्तींच्या हस्ते केले जाते.

२०२३ मध्ये, तत्कालीन मुख्यमंत्री एकनाथ शिंदे आणि उपमुख्यमंत्री देवेंद्र फडणवीस (जे आता मुख्यमंत्री आहेत) यांनी या उत्सवात हजेरी लावली होती. २०२४ मध्ये, प्रसिद्ध पटकथा लेखक सलीम खान आणि जावेद अख्तर यांच्या हस्ते दीपोत्सवाचे उद्घाटन झाले होते. गेल्या वर्षी, बृहन्मुंबई महानगरपालिका निवडणुकांच्या पार्श्वभूमीवर, ठाकरे बंधूंनी (Raj Thackeray) एकत्रितपणे या कार्यक्रमाचे उद्घाटन केले होते.