Jay Pawar : महाराष्ट्राचे माजी उपमुख्यमंत्री दिवंगत अजित पवार यांच्या २८ जानेवारी २०२६ रोजी बारामती विमानतळाजवळ झालेल्या विमान अपघातातील निधनावर आता नवीन शंका आणि आरोपांची मालिका सुरू झाली आहे. प्रथम शरद पवार गटाचे आमदार रोहित पवार यांनी VSR Ventures कंपनीबाबत गंभीर आरोप केल्यानंतर आता अजित पवारांचे कनिष्ठ चिरंजीव जय पवार (Jay Pawar) हे देखील मैदानात उतरले आहेत. जय पवार (Jay Pawar) यांनी सोमवारी (९ मार्च २०२६) सकाळी ११ वाजता VSR विमान कंपनीशी संबंधित मोठा खुलासा करण्याची घोषणा केली आहे. यामुळे राज्यातील राजकीय वर्तुळात खळबळ उडाली असून, अपघात हा खरोखर अपघात होता की त्यामागे काही गंभीर हलगर्जी किंवा अन्य कारण आहे, याकडे सर्वांच्या नजरा लागल्या आहेत. अपघाताची पार्श्वभूमी (Jay Pawar) २८ जानेवारी २०२६ रोजी सकाळी सुमारे ८:४५ वाजता मुंबईहून बारामतीकडे येणारे VSR Ventures कंपनीचे Learjet 45XR विमान (रजिस्ट्रेशन VT-SSK) बारामती विमानतळावर उतरताना अपघातग्रस्त झाले. विमान धावपट्टीजवळच कोसळले आणि पेट घेतले. Jay Pawar या अपघातात अजित पवार, त्यांचे वैयक्तिक सुरक्षा अधिकारी विदिप जाधव, पायलट-इन-कमांड, फर्स्ट ऑफिसर आणि केबिन अटेंडंट असे एकूण पाच जणांचा मृत्यू झाला. हे विमान अजित पवार बारामतीत जिल्हा परिषद निवडणुकीच्या प्रचारासाठी जात असताना अपघातग्रस्त झाले होते. प्राथमिक अहवाल आणि शंका एअरक्राफ्ट ॲक्सिडेंट इन्व्हेस्टिगेशन ब्युरो (AAIB) ने नुकताच प्राथमिक अहवाल प्रसिद्ध केला आहे, ज्यात कमी दृश्यमानता, अनियंत्रित विमानतळावरील सुरक्षा कमतरता यांचा उल्लेख आहे. मात्र, या अहवालावर अजित पवार कुटुंबीयांनी नाराजी व्यक्त केली आहे. रोहित पवार यांनी VSR कंपनीच्या विमानांच्या देखभालीबाबत, नियमांचे उल्लंघन आणि अपघाताच्या कारणांबाबत सवाल उपस्थित केले होते. त्यांनी कंपनीविरोधात तक्रारही दाखल करण्याचा प्रयत्न केला. जय पवारांचा मोठा खुलासा आता जय पवार यांनी VSR कंपनीबाबत नवीन पुरावे आणि माहिती उघड करण्याची तयारी दाखवली आहे. त्यांनी आधीच सोशल मीडियावर VSR कंपनीचे मालक रोहित सिंह यांचा एक व्हिडिओ शेअर केला होता, ज्यात ते उड्डाणादरम्यान मुख्य पायलट सीटवर झोपलेले दिसत आहेत. “वडिलांच्या निधनाचे दुःख आयुष्यभर राहील, पण अशा हलगर्जीपणाला माफ करता येणार नाही,” अशी भावनिक पोस्ट त्यांनी केली होती. त्यांनी कंपनीच्या सर्व विमानांवर तात्काळ बंदी आणि DGCA कडून कठोर कारवाईची मागणी केली होती. सोमवारी होणाऱ्या पत्रकार परिषदेत जय पवार नेमके कोणते नवीन पुरावे, व्हिडिओ किंवा माहिती समोर आणणार आहेत, याकडे संपूर्ण महाराष्ट्राचे लक्ष लागले आहे. अपघातानंतर एक महिन्याहून अधिक काळ उलटल्यानंतरही कुटुंबीयांच्या शंकांना उत्तर मिळाले नसल्याने हे प्रकरण अधिक गंभीर होत चालले आहे.
