Sonali Bendre : बॉलिवूडची ‘धकधक गर्ल’ माधुरी दीक्षितनंतर आता प्रसिद्ध अभिनेत्री सोनाली बेंद्रे मराठी सिनेमा घेऊन प्रेक्षकांच्या भेटीला येणार आहे. अभिनेत्रीने सोशल मीडियावर पोस्ट शेअर करत चाहत्यांना नव्या प्रोजेक्टची माहिती दिली आहे.

या घोषणेनंतर मराठी सिनेसृष्टीत या सिनेमाची चर्चा सुरू झाली आहे. सोनाली बेंद्रेने आपल्या सोशल मीडिया पोस्टमधून आगामी मराठी सिनेमा ‘सोहळा’ची झलक शेअर केली आहे. या पोस्टरमुळे प्रेक्षकांची उत्सुकता आणखी वाढली आहे.

विशेष म्हणजे, ‘सोहळा’च्या प्रस्तुतकर्त्या म्हणून सोनाली बेंद्रेचा हा पहिलाच सिनेमा आहे. या सिनेमाची निर्मिती सोनालीचा पती आणि निर्माता गोल्डी बहल यांनी ‘रोझ ऑडिओ व्हिज्युअल्स’च्या बॅनरखाली केली आहे. ‘सोहळा’मध्ये बालपण, मैत्री, कुटुंब आणि आपल्या व्यक्तिमत्त्वाचा भाग बनणाऱ्या छोट्या-छोट्या आठवणींचं विश्व उलगडणार असल्याचे सांगितले जात आहे.

“स्वप्नांचा उत्सव. नात्यांचा उत्सव. आयुष्याचा उत्सव. ‘सोहळा’ या चित्रपटाचे पहिले पोस्टर सादर करत आहे. हा चित्रपट माझ्यासाठी अत्यंत खास आहे, कारण याद्वारे मी पहिल्यांदाच ‘फिल्म प्रेझेंटर’ म्हणून काम करत आहे.

ही कथा आहे मोठी होत जाण्याची, कुटुंबाची, स्वप्नांची आणि आपल्याला घडवणाऱ्या निवडींची. ‘पश्या’ आणि त्याचे जग तुमच्यासमोर आणण्यासाठी मी खूप उत्सुक आहे. १६ ऑक्टोबर २०२६ रोजी चित्रपटगृहांमध्ये.” अशा शब्दांत सोनालीने सिनेमाबद्दलच्या आपल्या भावना व्यक्त केल्या.

 

View this post on Instagram

 

A post shared by Sonali Bendre (@iamsonalibendre)

सिनेमाची कथा एका १३ वर्षांच्या मुलाभोवती गुंफण्यात आली आहे. पोस्टरमध्ये पश्या आणि त्याच्या तीन मित्रांच्या अनोख्या लूकने लक्ष वेधून घेतले आहे. ‘सोहळा’मध्ये प्रवीण दळिंबकर, देवदत्त प्रशांत गोणे, वर्षा मालवडकर, वैष्णवी संजय घोडके आणि अॅलेंझँड्रा व्हेलन मेरेडिझ यांच्या प्रमुख भूमिका आहेत. सैकत बागबान यांनी या सिनेमाचे दिग्दर्शन केले आहे.

हा सिनेमा १६ ऑक्टोबर २०२६ रोजी थिएटर्समध्ये प्रदर्शित होणार असून, ‘सोहळा’चा ट्रेलर २९ सप्टेंबर २०२६ रोजी प्रेक्षकांच्या भेटीला येणार आहे.

Top 15 News : महाराष्ट्रात पावसाचा जोर वाढणार, ‘मंडळांना आरोपी करा, 1 कोटींची मदत द्या’ आणि लावणीसम्राज्ञी शकुंतलाताई नगरकर यांचं निधन, वाचा टॉप १५ बातम्या