![\"Madhuri](\"https://axrmzc5ulsbu.compat.objectstorage.ap-hyderabad-1.oraclecloud.com/media.dainikprabhat.com/wp-content/uploads/2026/03/DD-47-10.jpg\")
Kon Honar Crorepati: ‘कोण होणार करोडपती’ शो बॉलीवूडची सुपरस्टार अभिनेत्री करणार होस्ट?
Kon Honar Crorepati: कलाकरांनाही बसला सुखद धक्का
Kon Honar Crorepati: ‘कोण होणार करोडपती’ कार्यक्रमाचा नवा सीझन लवकरच प्रेक्षकांच्या भेटीस येणार आहे. मात्र यंदाच्या या कार्यक्रमाचा होस्ट कोण असणार याबद्दल अनेकांना उत्सुकता लागली आहे.
फिल्मफेअर सोहळ्याच्या निमित्ताने ‘कोण होणार करोडपती’च्या नव्या होस्टची पहिली झलक या पाहुण्यांना दाखवण्यात आली. यापूर्वी स्वप्नील जोशी, नागराज मंजुळे, सचिन खेडेकर या कलाकारांनी या शोचे होस्ट म्हणून जबाबदारी सांभाळली होती.
यंदाच्या सीझनमध्ये प्रसिद्ध शो कोण होस्ट करणार? प्रोमोमध्येही हा प्रश्न अनुत्तरीतच ठेवण्यात आलेला. अशातच आता यंदाच्या पर्वाचा होस्ट कोण असणार? याचं उत्तर सर्वांना मिळालं आहे. नव्या होस्टचं नाव ऐकून मराठी कलाकारांच्या चेहऱ्यावर आश्चर्य आणि आनंद दिसून आला.
View this post on Instagram
नव्या होस्टचं नाव समजल्यावर सगळ्याच सेलिब्रिटींना सुखद धक्का बसला. रेणुका शहाणेंचा आनंद तर गगनात मावेनासा झाला होता. अमृता फडणवीस, भरत जाधव यांच्या प्रतिक्रिया पाहून ‘कोण होणार करोडपती’ची नवीन होस्ट दुसरी तिसरी कोणीही नसून धकधक गर्ल माधुरी दीक्षित असल्याचा अंदाज नेटकऱ्यांनी वर्तवला आहे.
अद्याप याबाबत अधिकृत घोषणा करण्यात आलेली नाही. लवकरच होस्टच्या अधिकृत नावाची घोषणा केली जाणार असल्याचं बोललं जातंय.
Madhuri Dixit
या प्रोमोच्या कमेंट्समध्ये काही जणांनी महेश मांजरेकर, रितेश देशमुख, प्रसाद ओक या कलाकारांची नावं घेतली आहेत. पण, जास्तीत जास्त सेलिब्रिटींनी कमेंट्समध्ये माधुरी दीक्षितचं नाव घेतलं आहे. याशिवाय या प्रोमोच्या बॅकग्राऊंडला सुद्धा धक धक म्युझिक वाजतंय. यावरून माधुरी ‘कोण होणार करोडपती’ होस्ट करतेय हे जवळपास स्पष्ट झालं आहे.
सोनी मराठी वाहिनीने नव्या होस्टची ओळख रिव्हिल केला नसून, लवकरच याचा अधिकृत प्रोमो शेअर करण्यात येईल. आता ‘कोण होणार करोडपती’चा नवीन सीझन केव्हा सुरू होणार याची प्रेक्षक आतुरतेने वाट पाहत आहेत.
हेही वाचा:
