Pune News : रेकॉर्डवरील गुन्हेगाराच्या मुलाच्या वाढदिवसाच्या पार्टीला उपस्थित राहिल्याप्रकरणी पुणे शहर पोलिस दलातील तीन कर्मचाऱ्यांवर निलंबनाची कारवाई करण्यात आली आहे. कर्तव्यात बेफिकिरी, बेजबाबदार वर्तन आणि पोलिस दलाची शिस्तभंग केल्याचा ठपका ठेवत ही कारवाई करण्यात आली. या घटनेमुळे पुणे पोलिस दलात खळबळ उडाली आहे. (Pune News)

शुभम विजय सूर्वे, योगेश भागचंद्र एकशिंगे आणि अभिजीत अनिल शिंदे अशी निलंबित करण्यात आलेल्या पोलिस कर्मचाऱ्यांची नावे आहेत. वरिष्ठ अधिकाऱ्यांच्या आदेशानंतर या तिन्ही कर्मचाऱ्यांविरोधात चौकशी करण्यात आली होती. (Pune News)

मिळालेल्या माहितीनुसार, २ जुलै रोजी एका रेकॉर्डवरील गुन्हेगाराच्या मुलाचा वाढदिवस होता. त्यानिमित्त आयोजित करण्यात आलेल्या पार्टीला पुणे पोलिस दलातील हे तीन कर्मचारी उपस्थित राहिले होते. गुन्हेगारी पार्श्वभूमी असलेल्या व्यक्तींशी जवळीक ठेवणे आणि त्यांच्या खासगी कार्यक्रमांना उपस्थित राहणे हे पोलिस दलाच्या शिस्तीला धरून नसल्याचे वरिष्ठ अधिकाऱ्यांच्या निदर्शनास आले. (Pune News)

या प्रकरणाची माहिती मिळाल्यानंतर पोलिस उपायुक्त कार्यालयाकडून तिन्ही कर्मचाऱ्यांची सविस्तर चौकशी करण्यात आली. चौकशी पूर्ण झाल्यानंतर त्याचा अहवाल वरिष्ठ अधिकाऱ्यांकडे सादर करण्यात आला. (Pune News)

अहवालाच्या आधारे पुढील कारवाई करत अप्पर पोलिस आयुक्त संजय पाटील यांनी तिन्ही कर्मचाऱ्यांच्या निलंबनाचे आदेश दिले. शुक्रवारी यासंदर्भातील आदेश जारी करण्यात आले. (Pune News)

गुन्हेगारांशी जवळीक, कामात कसूर, बेजबाबदार वर्तन आणि पोलिस दलाच्या शिस्तीचा भंग केल्याचा ठपका ठेवत ही कारवाई करण्यात आली आहे. सध्या या प्रकरणाची पुढील चौकशी सुरू आहे. (Pune News)

Pune News : विश्रामबाग पोलिसांची मोठी कारवाई! दुचाकी चोरांच्या टोळीचा पर्दाफाश; १० लाखांच्या १४ दुचाकी जप्त

Pune News : गणेशउत्सवाच्या आगमनापूर्वी पुण्यात वाहतुकीत मोठे बदल; ‘या’ मार्गांवर प्रवेशबंदी