Sports competition : जांबूत – क्रीडा व युवक सेवा संचालनालय, महाराष्ट्र राज्य, जिल्हा क्रीडा परिषद पुणे, जिल्हा क्रीडा अधिकारी कार्यालय पुणे आणि समता शिक्षण संस्था पुणे यांच्या संयुक्त विद्यमाने शिरूर येथील चांदमल ताराचंद बोरा महाविद्यालयात दि. ६ व ७ ऑक्टोबर रोजी तालुकास्तरीय मैदानी क्रीडा स्पर्धा झाल्या. या स्पर्धेत पिंपरखेड (ता. शिरूर) येथील श्रीदत्त माध्यमिक व उच्च माध्यमिक विद्यालयाच्या विद्यार्थ्यांनी विविध क्रीडा प्रकारांत उल्लेखनीय यश मिळविले. त्यांच्या या कामगिरीचे परिसरातून कौतुक होत आहे.

१४ वर्षांखालील मुलींच्या थाळीफेक स्पर्धेत तनया महेश आगळे हिने, तर मुलांच्या गटात प्रीतम प्रकाश माळी याने द्वितीय क्रमांक मिळविला. १७ वर्षांखालील मुलींच्या लांबउडी स्पर्धेत तनुजा सतीश काळे हिने तृतीय क्रमांक मिळविला. २०० मीटर धावण्याच्या स्पर्धेत मोहन बाबुदा पंजाबी याने प्रथम क्रमांक पटकावला.

१९ वर्षांखालील मुलींच्या गोळाफेक स्पर्धेत ज्ञानेश्वरी दीपक बोऱ्हाडे हिने प्रथम, तर तीन किलोमीटर चालण्याच्या स्पर्धेत करिष्मा संपत माळी हिने प्रथम क्रमांक मिळविला. थाळीफेकमध्ये ज्ञानेश्वरी बोऱ्हाडे हिने द्वितीय, तर प्रणिता दादाभाऊ पोळ हिने तृतीय क्रमांक मिळविला.

१९ वर्षांखालील मुलांच्या ४०० मीटर धावण्याच्या स्पर्धेत रोशनी सुभाष बोंबे हिने द्वितीय क्रमांक मिळविला. पाच किलोमीटर चालण्याच्या स्पर्धेत ज्ञानराज भाऊ बोंबे याने प्रथम, तर प्रतीक संदीप पानगे याने द्वितीय क्रमांक मिळविला.

यशस्वी विद्यार्थ्यांना प्राध्यापक शामकांत चौधरी, हनुमंत तुपेरे, किरण कोल्हे, प्रियांका दाभाडे, प्रियांका येवले, निसार शेख, नारायण पाबळे आदींचे मार्गदर्शन लाभले. विद्यार्थ्यांनी मिळविलेल्या यशाबद्दल ग्रामविकास शिक्षण संस्थेचे अध्यक्ष खुशाल बोंबे, उपसरपंच विकास वरे, सोसायटीचे अध्यक्ष किरण ढोमे, भाऊसाहेब ढोमे, कैलासराव बोंबे, विजय बोंबे, शरद बोंबे, प्राचार्य रामदास मगर यांच्यासह ग्रामस्थांनी विद्यार्थ्यांचे अभिनंदन केले.