Baramati : बालकांना पोलिओचे दोन थेंब पाजून राष्ट्रीय पल्स पोलिओ मोहिमेत सहभाग; आरोग्य कर्मचाऱ्यांसह अंगणवाडी सेविकांचे योगदान
Baramati : प्रभाग क्रमांक तीनमधील लेन नं. ४, सूर्यनगरी येथील अंगणवाडीमध्ये आयोजित पोलिओ लसीकरण केंद्रावर बालकांना पोलिओचे दोन थेंब पाजण्यात आले. यावेळी प्रभाग क्रमांक तीनच्या नगरसेविका रूपाली नवनाथ मलगुंडे उपस्थित होत्या.

बारामती : देशातील बालकांचे पोलिओपासून संरक्षण व्हावे आणि पोलिओमुक्त भारताचे स्वप्न कायम राहावे, या उद्देशाने रविवार (दि. २२ नोव्हेंबर) रोजी राबविण्यात आलेल्या राष्ट्रीय पल्स पोलिओ लसीकरण मोहिमेला बारामती शहरातील प्रभाग क्रमांक तीनमध्ये प्रतिसाद मिळाला.
प्रभाग क्रमांक तीनमधील लेन नं. ४, सूर्यनगरी येथील अंगणवाडीमध्ये आयोजित पोलिओ लसीकरण केंद्रावर बालकांना पोलिओचे दोन थेंब पाजण्यात आले. यावेळी प्रभाग क्रमांक तीनच्या नगरसेविका रूपाली नवनाथ मलगुंडे उपस्थित होत्या. त्यांनी लसीकरण केंद्राला भेट देऊन मोहिमेची माहिती घेतली तसेच पालकांनी आपल्या बालकांना पोलिओचे दोन थेंब अवश्य पाजावेत, असे आवाहन केले.
या मोहिमेत सिस्टर सुनीता रासकर, आशा सेविका ज्योती ज्ञानेश्वर मंडले, अंगणवाडी सेविका कल्पना जगधने तसेच स्टुडंट पायल कुंभार, सीमा होळकर आणि सपना बलकवडे यांनी सहभाग घेतला. आरोग्य विभागाच्या मार्गदर्शनाखाली बालकांचे लसीकरण करण्यासाठी या सर्वांनी योगदान दिले.
पोलिओ हा गंभीर आजार असून बालकांच्या सुरक्षित भविष्यासाठी लसीकरण अत्यंत महत्त्वाचे आहे. प्रत्येक बालकाला पोलिओचे दोन थेंब मिळावेत, यासाठी पालकांनी जागरूक राहून आरोग्य विभागाच्या मोहिमेला सहकार्य करावे, असे आवाहन यावेळी करण्यात आले. यावेळी नगरसेविका रूपाली नवनाथ मलगुंडे यांच्यासह नवनाथ मलगुंडे हे देखील उपस्थित होते. त्यांनी पोलिओ लसीकरण मोहिमेत सहभागी होत आरोग्य कर्मचाऱ्यांचे कौतुक केले.





