West Bengal Assembly Election – पश्चिम बंगालमधील जनतेला गुंडाराज, जंगलराज, भ्रष्टाचार, दहशतवाद नको आहे. सुवेंदू अधिकारी हे डॅशिंग अधिकारी आहेत. ममता बॅनर्जी यांच्या दहशतवादाकडे न झुकणारा कार्यकर्ता म्हणून त्यांनी काम केले, असे म्हणत उपमुख्यमंत्री एकनाथ शिंदे यांनी पश्चिम बंगालच्या राजकारणावर प्रतिक्रिया दिली.

एकनाथ शिंदे म्‍हणाले, पश्चिम बंगालमधील आजचा दिवस सोनेरी अक्षरांनी लिहिण्यासारखा आहे. स्वतंत्र भारतामध्ये पहिल्यांदा ऐतिहासिक दिवस आहे. पश्चिम बंगालमध्ये भारत स्वतंत्र झाल्यापासून पहिल्यांदाच भाजप, एनडीएचा विजय झाला आहे.

त्यामुळे मोठा आनंद झाला. देशाला विकसीत आणि आर्थिक महासत्ता बनवण्याचे ठरवले आहे, त्यावर जनतेने विश्वास दाखवला आहे. भीती आणि विश्वास ही लढाई होती. या निवडणुकीत भीती हारली आणि विश्वास जिंकला, असे ते म्हणाले.

केंद्रीय गृहमंत्री अमित शहा यांचे पश्चिम बंगालमधील मायक्रो मॅनेजमेंट कामाला आले आहे. गेल्या आठ ते दहा वर्षे मेहनत करत रणनीती तयार केली. त्यामुळे एनडीएला ऐतिहासिक विजय मिळाला.

तसेच, अमित शहा यांनी पुन्हा एकदा भाजपचा चाणक्य म्हणून स्वताला सिद्ध केले आहे. डबल इंजिनचे सरकार आता पश्चिम बंगालमध्ये आलेले आहे, असेही एकनाथ शिंदे म्हणाले.