मुंबई : बडे अच्छे लगते हैं सारख्या अनेक टीव्ही शोचा भाग असलेली अभिनेत्री झोया राठोड सध्या खूप ट्रोल होत आहे. ट्रोल होण्याचं कारण म्हणजे तिने अडल्ट चित्रपट उद्योगावर टीका केली आहे. झोयावर असे आरोप केले जात आहेत की ती ज्या इंडस्ट्रीमध्ये काम करते त्याबद्दलच ती वाईट बोलत आहे. आता या ट्रॉल्सवर झोयानं तिचं मौन सोडलं आहे. झोयानं खुलासा केला की ती राज कुंद्राच्या संपर्कात नव्हती, मात्र त्याचा पीए उमेश कामतच्या संपर्कात होती.

झोयाचा दावा आहे की राज कुंद्राच्या अटकेच्या दोन दिवस आधीपर्यंत तिला हॉटशॉट्‌स ऍपसाठी न्यूड ऑडिशन मागितले जात होते, ज्याला तिनं नकार दिला. झोयाने सांगितले की तिला एकदा खूप बोल्ड कंटेन्ट करण्याची ऑफर देण्यात आली होती, जे तिनं यापूर्वी कधीही केले नव्हतं.

झोया म्हणाली की, याची निर्मिती यश ठाकूर करत आहेत, जे सिंगापूरमध्ये राहतात. त्याने सर्वात धाडसी कंटेन्ट तयार केला आहे. मला हॉटहिट या दुसऱ्या कंपनीनंही कामाची ऑफर दिली होती, ज्यांनी त्यांच्या चित्रपटाचे शूटिंग करताना मी दाखवलेल्या बोल्डनेसच्या आधारावर मला पैसे देण्याची ऑफर दिली होती. या सोबत, त्यात कॉन्ट्रॅक्‍ट पेपर्स सुद्धा होता, ज्यात असं लिहिलं होतं की तो मला असे काही करायला सांगणार नाही ज्यामुळे मला अस्वस्थ वाटेल. या प्रकरणात तुरुंगात पोहचलेले ते पहिले लोक आहेत.

त्यानंतर झोयाने दावा केला की ती राज कुंद्राशी कधीच भेटली नाही किंवा बोलली नाही, पण तिला पीए उमेश कामतने हॉटशॉटमध्ये काम करण्यासाठी बोलावलं होतं. झोया म्हणते की उमेश कामतनं तिला सांगितलं की तो तिला मोठा ब्रेक देईल, मात्र त्यासाठी तिला व्हिडीओ कॉलवर नग्न ऑडिशन द्यावं लागेल, पण झोयाने त्यास नकार दिला.

झोया सांगते की, उमेश कामत सतत तिच्याशी संपर्कात होता, ज्यामुळे तिचं मन वळले. ती म्हणते की, अटकेच्या दोन दिवस आधीपर्यंत उमेश कामत तिला हॉटशॉटमध्ये काम करण्यास प्रवृत्त करण्याचा प्रयत्न करत होता. यानंतर तिला सिंगापूरहून रॉय नावाच्या एका माणसाचा फोन आला. त्यानं झोयाला नग्न ऑडिशन करण्यास सांगितले आणि हॉटशॉट्‌सचे नावही दिले.