Rinku Rajguru  : अभिनेत्री रिंकु राजगूरू आणि अभिनेता आकाश ठोसर यांना ‘सैराट’ चित्रपटातील ‘आर्ची’ आणि ‘परश्या’च्या भूमिकेमुळे मोठी लोकप्रियता मिळाली. या चित्रपटाच्या यशानंतर दोघांनी अनेक चित्रपटांमध्ये काम केले. मात्र अनेकदा रिंकुचे नाव आकाश ठोसर याच्यासोबत जोडलं जातं.

दोघे अनेकदा एकत्र स्पॉट होतात किंवा सोशल मीडियावर एकमेकांसोबतचे फोटो शेअर करत असतात. यामुळंच रिंकू आणि आकाश एकमेकांना डेट करत आहेत का? अशा चर्चा सुरू होत्या. आता रिंकूनं तिच्या आणि आकाशाच्या नात्यावर भाष्य केलं आहे.

रिंकूनं नुकतंच तिच्या अधिकृत इन्स्टाग्राम अकाउंटवर चाहत्यांशी संवाद साधण्यासाठी एक Ask Me Anything सेशन ठेवलं होतं. या सेशनमध्ये चाहत्यांनी तिच्या आगामी प्रोजेक्ट्सपासून ते वैयक्तिक आयुष्यापर्यंत अनेक प्रश्न विचारले. पण यात आकाश ठोसरसोबतच्या तिच्या नात्याबद्दल प्रश्न विचारताच तिने उत्तर दिले आहे. Rinku Rajguru

या सेशनदरम्यान एका नेटकऱ्यानं रिंकूला थेट विचारलं की, आकाश आणि तू रिलेशनशिपमध्ये आहात का? यावर रिंकू म्हणाली की, ‘नाही, आम्ही फक्त खूप चांगले मित्र आहोत.’ त्यामुळं रिंकूच्या या उत्तरानं त्यांच्या अफेअरच्या चर्चांना पूर्णविराम मिळाला आहे.

पुन्हा एकत्र कधी दिसणार?  (Rinku Rajguru) 

याच सेशनमध्ये आणखी एका चाहत्यानं रिंकूला तू आणि आकाशा पुन्हा एकत्र सिनेमा कधी करणार ? असा प्रश्नही विचारला. यावर रिंकूनं दिलेल्या उत्तराची चर्चा सुरू आहे. ती म्हणाली की, मी तर तयार आहे, आता आकाशलाच विचारायला हवं!” या उत्तरानंतर ही सुपरहीट जोडी पुन्हा एकदा प्रेक्षकांचे मनोरंजन करण्यासाठी सज्ज होऊ शकते, हे स्पष्ट होते. Rinku Rajguru

काही दिवसांपूर्वीच रिंकू आणि आकाश एका कार्यक्रमानिमित्त एकत्र दिसले. यावेळी रिंकूने गुलाबी रंगाचा सुंदर सूट परिधान केला होता. तर आकाश टी-शर्ट आणि जीन्स अशा कॅज्युअल लूकमध्ये दिसून आला. या दोघांनी पापाराझींसमोर फोटोसाठी एकत्र पोझ दिले होते. त्यांचे फोटो आणि व्हिडिओ सोशल मिडियावर प्रचंड व्हायरल झाले होते.

हेही वाचा: 

CNG Price Hike : पेट्रोल-डिझेलनंतर आता CNGचाही झटका! पुणे आणि नाशिकमध्ये नवी दरवाढ लागू