Maharashtra । नागपुरच्या रामदास पेठ येथे हिट अँड रनचे प्रकरण समोर आले. धक्कादायक म्हणजे भाजपचे प्रदेशाध्यक्ष चंद्रशेखर बावनकुळे यांचा मुलगा संकेत बावनकुळे याच्या भरधाव ऑडी कारने रविवारी मध्यरात्री 4 ते 5 वाहनांना धडक दिली. सुदैवाने यात कुठलीही जीवितहानी झाली नसली तरी गाड्यांचे मोठ्या प्रमाणात नुकसान झाले आहे. या प्रकरणानंतर विरोधक चांगलेच आक्रमक झाले आहेत.  ठाकरे गटाच्या नेत्या सुषमा अंधारे यांनी बावनकुळे यांच्यावर निशाणा साधला आहे.  तर  आता ठाकरे गटाचे खासदार संजय राऊतांनी एक मोठा खुलासा केला आहे.

संजय राऊत म्हणाले,’संकेत बावनकुळे याच्या गाडीमध्ये एका लाहोरी बारचे बिल मिळाले आहे. या बिलवर दारू, चिकन, मटणसह बीफ (गोमांस) कटलेटचाही उल्लेख आहे, श्रावण, गणपती आहे असे म्हणत हिंदूत्व शिकवणाऱ्या लोकांनीच बीफ कटलेट खाल्ले असून हीच लोक या मुद्द्यावरून मॉब लिंचिंगही करतात, असा टोला राऊतांनी केली.

दरम्यान संजय राऊत यांनी संकेत बावनकुळेच्या ऑडी कारच्या अपघाताबद्दल मोठा खुलासा केला आहे. माध्यमांशी बोलतांना बिलाचा उल्लेख करत राऊत पुढे म्हणाले,’पोलिसांना संकेत बावनकुळे याच्या गाडीमध्ये एका लाहोरी बारचे बिल मिळाले आहे. हे बिल संकेत बावनकुळे आणि त्याचे मित्र ज्या बारमधून बाहेर पडले, तिथल्या खाण्या-पिण्याचे आहे. या बिलवर दारू, चिकन, मटणसह बीफ (गोमांस) कटलेटचाही उल्लेख आहे. श्रावण, गणपती आहे असे म्हणत हिंदूत्व शिकवणाऱ्या लोकांनीच बीफ कटलेट खाल्ले असून हीच लोक या मुद्द्यावरून मॉब लिंचिंगही करतात. पोलिसांनी हे बिल जप्त केलेले असून तुम्ही बीफ खायचे अन् रस्त्यावर, रेल्वेमध्ये मॉब लिंचिंग करायचे. वा रे हिंदूत्व. तुम्ही काय आम्हाला हिंदूत्व शिकवणार.’ असा घणाघात संजय राऊतांनी लगावला.

तत्पूर्वी  सुषमा अंधारे पोलिसांच्या तपासावर प्रश्नचिन्ह उपस्थित केले आहे. नागपूरच्या रामदास पेठमध्ये रात्री साडेबाराला झालेल्या अपघाताची एफआयआर पहाटे साडेचार वाजता झाली. विशेष म्हणजे गाडीचे तपशील वगळण्यात आले आहेत. म्हणजेच नेता फारच पॉवरफुल होता का? असा सवाल करीत आरटीओने गाडीचा नंबर न नोंदवता गाडी सोडून दिली. चंद्रशेखर बावनकुळे यांच्यासाठी कायदा वेगळा का?” असा प्रश्न अंधारे यांनी विचारला आहे.