पंजाब किंग्जच्या कर्णधाराने एका महत्त्वाच्या क्षणी आपली विकेट गमावली हे लक्षात घेण्यासारखे आहे, ज्यामुळे आरसीबीला सामन्यात पुनरागमन करण्याची संधी मिळाली. श्रेयस बाद झाल्यानंतर पंजाब संघावर दबाव आला. आता योगराज सिंगने अय्यरवर निशाणा साधला आहे. विशेषतः, त्यांनी अय्यरचा शॉट खराब असल्याचे म्हटले आहे. तसेच त्याला गुन्हा म्हटले आहे. या संदर्भात कोणतीही माफी मागू नये, असे योगराज सिंग म्हणाले.

योगराज सिंग अय्यरबद्दल काय म्हणाले?

IPL 2025 : ‘ਟੀਮ ਦੇ ਕਪਤਾਨ ਹੋਣ ਦੇ ਨਾਤੇ ਤੁਸੀਂ ਮੈਚ ਹਰਵਾਇਆ, ਇਹ Accept ਕਰੋ’#ipl2025 #shreyasiyer #PreityZinta #Yograjsingh #punjabkings #RCB #PBKSfinal #PTCPunjabi pic.twitter.com/mubeOYf4ai

— PTC Punjabi (@PTC_Network) June 5, 2025

एएनआयशी बोलताना योगराज सिंग म्हणाले, “श्रेयस अय्यरने अंतिम सामन्यात फलंदाजी करताना खेळलेला फटका हा माझ्या मते गंभीर गुन्हा आहे. अशोक मंकड यांनी मला या गुन्ह्याबद्दल सविस्तर सांगितले होते. त्यांच्या मते, हा गुन्हा कलम ३०२ अंतर्गत शिक्षेस पात्र आहे. मंकड यांनी मला या चुकीचे परिणामही स्पष्ट केले होते, ज्यामुळे अशा खेळाडूंवर दोन सामन्यांची बंदी घालणे आवश्यक आहे. श्रेयस अय्यरचे अंतिम सामन्यातील कृत्य पूर्णपणे अस्वीकार्य आहे आणि या चुकीला कोणतीही माफी मिळू शकत नाही.”

हेही वाचा – Sunil Gavaskar : ‘ते IPL मध्ये करोडो कमवत आहेत, पण त्याच्या लायक नाहीत…’, सुनील गावस्कर कोणावर संतापले?

नक्की काय घडलं?

आयपीएलच्या अंतिम सामन्यात बंगळुरूने ठेवलेल्या १९१ धावांच्या आव्हानाचा पाठलाग करताना पंजाबच्या सलामीवीरांनी चांगली सुरुवात केली. प्रियांश आर्या (२४) आणि प्रभसिमरन सिंग (२६) यांनी दमदार फलंदाजी करत संघाला सावरले, तर जॉश इंग्लिसने ३९ धावांचे मोलाचे योगदान दिले. मात्र, पंजाबचा कर्णधार आणि विश्वासू फलंदाज श्रेयस अय्यर याला केवळ दोन चेंडूंमध्ये एक धाव काढता आली. थर्ड मॅनच्या दिशेने एकेरी धाव घेण्याच्या प्रयत्नात त्याने मारलेला फटका यष्टीरक्षक जितेश शर्माच्या हाती झेलबाद झाला. यानंतर आरसीबीने ट्रॉफीवर नाव कोरलं.